ଭୁବନେଶ୍ୱର – ଓଡ଼ିଶାର ଅଦିତି ପରିଡ଼ା ସିଡିଏସ୍ (ପ୍ରତିରକ୍ଷା ସେବା)-୨୦୧୯ ପରୀକ୍ଷା ମହିଳା ବର୍ଗରେ ଟପ୍ପର ହୋଇଛନ୍ତି । ସିଡିଏସ୍ ପରୀକ୍ଷାରେ ଟପ୍ପର ହେବାରେ ଅଦିତି ହେଉଛନ୍ତି ଓଡ଼ିଶାର ପ୍ରଥମ ମହିଳା । ଅଦିତିଙ୍କ ବାପା ମଧ୍ୟ ଭାରତୀୟ ସେନାର ଜଣେ ବ୍ରିଗେଡିୟର । ଅଦିତିଙ୍କ ଘର ଢେଙ୍କାନାଳ ଜିଲ୍ଲା ।
ପୁଣେର ପ୍ରତିଷ୍ଠିତ ସିମ୍ବିଓସିସ୍ କଲେଜରୁ ସାମ୍ବାଦିକତାରେ ସ୍ନାତକ ହାସଲ କରିଥିବା ଅଦିତି ତାଙ୍କ ବ୍ୟାଚ୍ରେ ମଧ୍ୟ ଟପ୍ପର ଥିଲେ । ସେ ଓଡ଼ିଶୀ ଓ ଭାରତନାଟ୍ୟମ ବି ରୁଚି ରଖନ୍ତି । ଏହାଛଡ଼ା ଅଦିତି ଜଣେ ଭଲ ଭଲିବଲ ଖେଳାଳି । ସେ ଏକ ସେନା ପରିବାରରେ ବଢିଥିବାରୁ ଭାରତୀୟ ସେନାରେ ଯୋଗଦେବା ତାଙ୍କର ସ୍ୱପ୍ନ ଥିଲା । ଦେଶ ସେବା କରିବାକୁ ତାଙ୍କ ସ୍ୱପ୍ନ ସାକାର ହୋଇଥିବାରୁ ସେ ବେଶ୍ ଖୁସି ବୋଲି ଅଦିତି କହିଛନ୍ତି ।