ଭୁବନେଶ୍ୱର- ରାଜ୍ୟରେ କୋରୋନା ସଂକ୍ରମଣ ରୋକିବା ପାଇଁ ଲକଡାଉନ ଅବଧିକୁ ଜୁନ ୧ ଯାଏଁ ବୃଦ୍ଧି କରାଯାଇଛି । ମୁଖ୍ୟ ଶାସନ ସଚିବ ସୁରେଶ ମହାପାତ୍ର ପ୍ରେସମିଟରେ ଲକଡାଉନ ବୃଦ୍ଧି ନେଇ ଘୋଷଣା କରିଛନ୍ତି ।
ତେବେ ଅତ୍ୟାବଶ୍ୟକ ସାମଗ୍ରୀ କିଣିବା ପାଇଁ କଟକଣା କୋହଳ ସମୟକୁ ୨ ଘଂଟା କମାଇ ଦେଇଛନ୍ତି ରାଜ୍ୟ ସରକାର । ଏଣିକି ସକାଳ ୭ଟାରୁ ଦିନ ୧୧ଟା ମଧ୍ୟରେ ହିଁ ଅତ୍ୟାବଶ୍ୟକ ସାମଗ୍ରୀ କିଣିହେବ ।
ବିବାହରେ ସର୍ବାଧିକ ୨୫ ଲୋକଙ୍କୁ ଅନୁମତି ମିଳିବ । ଭୋଜିଭାତ ମନା କରାଯାଇଛି । ଖାଇବାକୁ ଦେବାର ଥିଲେ ପ୍ୟାକେଟରେ ଦେଇପାରିବେ ଆୟୋଜକ । କୋଭିଡ ନିୟମ ମାନି ସ୍ୱାସ୍ଥ୍ୟ ସେବା ସଂସ୍ଥା ଓ ବ୍ୟାଙ୍କ୍ ଖୋଲାଯାଇପାରିବ ।
ରାଜ୍ୟରେ କୋରୋନାର ଦ୍ୱିତୀୟ ଲହରୀରେ ସଂକ୍ରମଣ ସଂଖ୍ୟା ବୃଦ୍ଧି ପାଇଲା ପରେ ଏହି ମାସ ୫ ତାରିଖରୁ ସାରାରାଜ୍ୟରେ ଦୁଇ ସପ୍ତାହ ପାଇଁ ସଂପୂର୍ଣ୍ଣ ଲକଡାଉନ ଜାରି କରିଥିଲେ ରାଜ୍ୟ ସରକାର ।
Comments are closed.