ବ୍ରହ୍ମପୁର: ବ୍ରହ୍ମପୁର ଉପକଣ୍ଠ ହଳଦିଆପଦର ରାଜପଥ ନିକଟ ଚନ୍ଦ୍ରକଳ୍ପେଶ୍ବର ମନ୍ଦିର ପାଖରେ ଅଟୋ ସହ ଟ୍ରାକ୍ଟର୍ ଧକ୍କା। ରବିବାର ଭୋରରେ ଘଟିଥିବା ଏହି ସଡ଼କ ଦୁର୍ଘଟଣାରେ ୩ ଜଣ ମହିଳା ମତ୍ସ୍ୟଜୀବୀ ଗୁରୁତର ହୋଇଛନ୍ତି। ସେମାନଙ୍କୁ କଟକ ବଡ଼ ଡାକ୍ତରଖାନା ସ୍ଥାନାନ୍ତର କରାଯାଇଛି। ଡ୍ରାଇଭର ସମେତ ଅନ୍ୟ ଆହତ ମତ୍ସ୍ୟଜୀବୀଙ୍କୁ ବ୍ରହ୍ମପୁର ବଡ଼ ଡାକ୍ତରଖାନାରେ ଚିକିତ୍ସା କରାଯାଉଛି। ଏକ ଇଟା ବୋଝେଇ ଟ୍ରାକ୍ଟର୍ (ଓଡି୦୭ଏଚ-୫୩୫୬) ପଛପଟକୁ ଏକ ଅଟୋ (ଓଡି୦୭ଏଫ-୪୨୫୩) ଧକ୍କା ଦେଇଥିଲା। ୧୦ରୁ ଊର୍ଦ୍ଧ୍ବ ମହିଳା ମତ୍ସ୍ୟଜୀବୀ ଭୋର ପ୍ରାୟ ୪ଟା ବେଳେ ମାଛ ବିକିବା ପାଇଁ ସୁରଳରୁ ଅଟୋ ଯୋଗେ ବ୍ରହ୍ମପୁର କମାପଲ୍ଲୀ ଛକ ବଜାରକୁ ଆସୁଥିଲେ। ତେବେ ହଳଦିଆପଦର ଠାରେ ଅଟୋଟି ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ
ହୋଇଥିଲା।