ସତ୍ୟଜିତ ରାୟଙ୍କ ଫିଲ୍ମରେ ସଲମାନ ଖାନ୍‌ଙ୍କ ‘ଦବଙ୍ଗ’ର ସାରାଂଶ, କ୍ଷମା ମାଗିଲା ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ

ପାନାଜି – କିମ୍ବଦନ୍ତୀ ଫିଲ୍ମ ନର୍ମାତା ଓ ନିର୍ଦ୍ଦେଶକ ସତ୍ୟଜିତ ରାୟଙ୍କ ଫିଲ୍ମ ‘ସୋନାର କେଲା’ରେ ସଲମାନ ଖାନଙ୍କ ‘ଦବଙ୍ଗ’ର ସାରାଂଶ ଦର୍ଶାଇ କ୍ଷମା ମାଗିଛି ଭାରତର ଅର୍ନ୍ତଜାତୀୟ ଚଳଚ୍ଚ୍ରିତ ମହୋତ୍ସବ (ଆଇଏଫ୍‌ଏଫ୍‌ଆଇ) କର୍ତ୍ତୃପକ୍ଷ । ଆଇଏଫ୍‌ଏଫ୍‌ଆଇର ୱେବସାଇଟରେ ଏଭଳି ଭୁଲ୍ ତଥ୍ୟ ଦିଆଯାଇଥିଲା । ସତ୍ୟଜିତ ରାୟଙ୍କ ନିର୍ଦ୍ଦେଶିତ ‘ସୋନାର କେଲା’ର ସାଂରାଶ ଭାବେ ସଲମାନ ଖାନ ଅଭିନୀତ ‘ଦବଙ୍ଗ’ର କାହାଣୀ ବର୍ଣ୍ଣନା କରାଯାଇଥିଲା । ଏପରିକି ସୋନାଲ କେଲାର ନିର୍ଦ୍ଦେଶକ, କଳାକାରଙ୍କ ନାମ ବଦଳରେ ଦବଙ୍ଗର ନିର୍ଦ୍ଦେଶକ, କଳାକାରଙ୍କ ନାମ ଉଲ୍ଲେଖ ରହିଥିଲା । ସିନେପ୍ରେମୀ ଏଭଳି ଭୁଲ ଦେଖିବା ପରେ ତାହାର ସ୍କ୍ରିନସଟ୍ ସୋସିଆଲ ମିଡିଆରେ ସେୟାର କରିଥିଲେ । ପରେ ଆଇଏଫ୍‌ଏଫ୍‌ଆଇ ଟ୍ୱିଟରରେ ଏନେଇ ସ୍ପଷ୍ଟୀକରଣ ଦେବା ସହ କ୍ଷମା ପ୍ରାର୍ଥନା କରିଥଲା ।

ଉଲ୍ଲେଖଯୋଗ୍ୟ ଯେ, ଏଥର ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ସତ୍ୟଜିତ ରାୟଙ୍କ ସଫଳ କୃତି ପ୍ରଦର୍ଶିର୍ତ ହେଉଛି । ୧୯୭୪ର ‘ସୋନାର କେଲା’ଙ୍କ ସହ ଏହି ଚଳଚ୍ଚିତ୍ର ମହୋତ୍ସବରେ ସତ୍ୟଜିତ ରାୟଙ୍କ ପାଞ୍ଚଟି ଫିଲ୍ମର ସ୍କ୍ରିନିଂ ହୋଇଛି ।