ସିଏପିଏଫ୍ ପରୀକ୍ଷାରେ ପଶ୍ଚିମବଙ୍ଗ ହିଂସା ଉପରେ ପ୍ରଶ୍ନ, ମମତା କହିଲେ ୟୁପିଏସସି ଭଳି ଅନୁଷ୍ଠାନକୁ ବରବାଦ କରିଦେବ ବିଜେପି

କୋଲକାତା: କେନ୍ଦ୍ର ଲୋକସେବା ଆୟୋଗ (ୟୁପିଏସସି) ଅଧୀନରେ ହୋଇଥିବା ସଶସ୍ତ୍ର ପୋଲିସ ବାହିନୀ (ସିଏପିଏଫ୍) ପରୀକ୍ଷାରେ ପଚରାଯାଇଥିବା ପ୍ରଶ୍ନ ଉପରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ବିଜେପିକୁ ଟାର୍ଗେଟ କରିଛନ୍ତି। ଅଗଷ୍ଟ ୮ରେ ଅନୁଷ୍ଠିତ ହୋଇଥିବା ସିଏପିଏଫ୍ ପରୀକ୍ଷାରେ ପଶ୍ଚିମବଙ୍ଗରେ ଘଟିଥିବା ନିର୍ବାଚନୀ ହିଂସାକୁ ନେଇ ଏକ ପ୍ରଶ୍ନ ଦିଆଯାଇଥିଲା ​​| ପରୀକ୍ଷାରେ “ପ୍ରାୟ ୨୦୦ ଶବ୍ଦରେ ବଙ୍ଗଳା ନିର୍ବାଚନ ହିଂସା” ଉପରେ ଏକ ରିପୋର୍ଟ” ଲେଖିବାକୁ କୁହାଯାଇଥିଲା। ଏହି ପ୍ରଶ୍ନ ଉପରେ ଟିଏମସି ବିଜେପିକୁ ଟାର୍ଗେଟ କରିଛି। ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ ୟୁପିଏସସି ଭଳି ଅନୁଷ୍ଠାନକୁ ବିଜେପି ବରବାଦ୍ କରିଦେବ।

ସୂଚନାଯୋଗ୍ୟ ଯେ ଅଗଷ୍ଟ ୮ରେ ଅନୁଷ୍ଠିତ ସିଏପିଏଫ୍ ପରୀକ୍ଷାରେ ପଶ୍ଚିମବଙ୍ଗରେ ନିର୍ବାଚନ ପରବର୍ତ୍ତୀ ହିଂସା ସହ କେନ୍ଦ୍ରର କୃଷି ଆଇନ ବିରୋଧରେ କୃଷକଙ୍କ ଆନ୍ଦୋଳନ ସହ ଜଡ଼ିତ ଏକ ପ୍ରଶ୍ନ ମଧ୍ୟ ପଚରାଯାଇଥିଲା।

ଏହି ପ୍ରଶ୍ନଗୁଡ଼ିକୁ ‘ବିଜେପି’ ପ୍ରଶ୍ନ ବୋଲି ଅଭିହିତ କରି ମମତା ୟୁପିଏସସିକୁ ସମାଲୋଚନା କରିଛନ୍ତି। ସେ କହିଛନ୍ତି ଯେ କେନ୍ଦ୍ର ଜନସେବା ଆୟୋଗ (ୟୁପିଏସସି) ଆଗେ ନିରପେକ୍ଷ ଥିଲା। ଏବେ ବିଜେପି ଏହାର ପରୀକ୍ଷା ଗୁଡ଼ିକ ପାଇଁ ପ୍ରଶ୍ନପତ୍ର ତିଆରି କରୁଛି | ‘ରାଜନୈତିକ ଉଦ୍ଦେଶ୍ୟ ପ୍ରଣୋଦିତ’ କୃଷକ ଆନ୍ଦୋଳନ ଉପରେ ବି ପ୍ରଶ୍ନ ଦିଆଯାଇଥିଲା। ମମତା କହିଛନ୍ତି ଯେ ବିଜେପି ୟୁପିଏସସି ଭଳି ଅନୁଷ୍ଠାନକୁ ଧ୍ବଂସ କରୁଛି।