ମୁମ୍ବାଇ: ଲୋକପ୍ରିୟ ଅଭିନେତା ତଥା ‘ଅନୁପମା’ ଫେମ୍ ନିତେଶ ପାଣ୍ଡେଙ୍କ ବୁଧବାର ସକାଳେ ହୃଦଘାତ ଯୋଗୁଁ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୫୧ ବର୍ଷ ହୋଇଥିଲା। ଏହି ଖବର ସମଗ୍ର ମନୋରଞ୍ଜନ ଜଗତକୁ ସ୍ତବ କରିଛି ।
ନିତେଶ ପାଣ୍ଡେ ୧୭ ଜାନୁୟାରୀ ୧୯୭୩ରେ ଜନ୍ମଗ୍ରହଣ କରିଥିଲେ। ନୀତେଶଙ୍କ ଅଭିନୟ କ୍ୟାରିୟର ୧୯୯୦ରେ ଥିଏଟରରୁ ଆରମ୍ଭ କରିଥିଲେ | ଏହା ପରେ ସେ ଟିଭି ଦୁନିଆରେ ପାଦ ଥାପିଥିଲେ | ସେ ‘ମଞ୍ଜିଲ୍ ଆପନେ ଆପନେ, ‘ଅସ୍ତିତ୍ବ ଏକ ପ୍ରେମ କାହାଣୀ’, ‘ସାୟା’, ‘ଜୁସ୍ତଜୂ’, ‘ଦୁର୍ଗା ନନ୍ଦିନୀ’ ଭଳି ଟିଭି ସିରିଏଲରେ କାମ କରିଥିଲେ । ଏହାଛଡ଼ା ରୁପାଲି ଗାଙ୍ଗୁଲିଙ୍କ ଲୋକପ୍ରିୟ ଟିଭି ଶୋ’ ‘ଅନୁପମା’ରେ ଧୀରଜ କପୁର ଚରିତ୍ରରେ ତାଙ୍କ ଅଭିନୟ ଦର୍ଶକଙ୍କ ମନ ଜିଣିଥିଲା । ନିତେଶ ନିଜର ଏକ ପ୍ରଡକ୍ସନ୍ ହାଉସ୍ ଚଳାଉଥିଲେ। ‘ଓମ୍ ଶାନ୍ତି ଓମ୍’ ଓ ‘ଦବଙ୍ଗ-୨’ ଭଳି ଚଳଚ୍ଚିତ୍ରର ମଧ୍ୟ କାମ କରିଥିଲେ ନିତେଶ ।
ନିତେଶ ୧୯୯୮ରେ ଅଭିନେତ୍ରୀ ଅଶ୍ୱିନୀ କାଲେସ୍କରଙ୍କୁ ବିବାହ କରିଥିଲେ । ତେବେ ୨୦୦୨ରେ ଉଭୟ ଅଲଗା ହୋଇଥିଲେ। ପରେ ସେ ଟିଭି ଅଭିନେତ୍ରୀ ଅର୍ପିତା ପାଣ୍ଡେଙ୍କୁ ବିବାହ କରିଥିଲେ ।