ହେଲିକପ୍ଟରରୁ ନିକ୍ଷେପ ହୋଇପାରୁଥିବା ଆଣ୍ଟି ଟ୍ୟାଙ୍କ୍ କ୍ଷେପଣାସ୍ତ୍ର ହେଲିନାର ସଫଳ ପରୀକ୍ଷଣ କଲା ଭାରତ

ନୂଆଦିଲ୍ଲୀ: ଭାରତ ମଙ୍ଗଳବାର ଲଦାଖରେ ସ୍ୱଦେଶୀ ଜ୍ଞାନକୌଶଳରେ ବିକଶିତ ଆଣ୍ଟି-ଟ୍ୟାଙ୍କ କ୍ଷେପଣାସ୍ତ୍ର ହେଲିନାର ସଫଳତାର ସହ ପରୀକ୍ଷଣ କରିଛି।

ଏହି କ୍ଷେପଣାସ୍ତ୍ରକୁ ହେଲିକପ୍ଟରରୁ ଉତକ୍ଷେପଣ କରାଯାଇପାରିବ। ଡିଆରଡିଓ ଅଧିକାରୀମାନେ କହିଛନ୍ତି ଯେ ଏହି କ୍ଷେପଣାସ୍ତ୍ର ସୋମବାର ଦିନ ସେହି ସ୍ଥାନରେ ସଫଳତାର ସହ ପରୀକ୍ଷଣ କରାଯାଇଥିଲା ଯେଉଁଠାରେ ଏହା ଟାର୍ଗେଟକୁ ଧକ୍କା ଦେବାରେ ସଫଳ ହୋଇଥିଲା।

ଏହି କ୍ଷେପଣାସ୍ତ୍ରଟି ସ୍ୱଦେଶୀ ନିର୍ମିତ ALH (ଆଡଭାନ୍ସଡ ଲାଇଟ୍ ହେଲିକପ୍ଟର) ଧ୍ରୁବରେ ସୁସଜ୍ଜିତ ହୋଇଥିଲା |

ଉଚ୍ଚ ପାର୍ବତ୍ୟ ଅଞ୍ଚଳରୁ ହେଲିକପ୍ଟର ଉଡ଼ାଣ ସମୟରେ ଏହା ପରୀକ୍ଷଣ କରାଯାଇଥିଲା ଏବଂ ଏହି ପରୀକ୍ଷଣ ସଫଳ ହୋଇଥିଲା |

ମଙ୍ଗଳବାରର ବିମାନ ପରୀକ୍ଷଣରେ ଡିଆରଡିଓ, ଭାରତୀୟ ସେନା ଏବଂ ବାୟୁସେନାର ବୈଜ୍ଞାନିକ ଦଳମାନେ ସାମିଲ ହୋଇଥିଲେ।