ନୂଆଦିଲ୍ଲୀ: ସଂସଦର ବଜେଟ୍ ଅଧିବେଶନ ଜାନୁଆରୀ ୩୧ରୁ ଆରମ୍ଭ ହେବ | ଏହା ମୋଦୀ ସରକାରଙ୍କ ଦ୍ୱିତୀୟ କାର୍ଯ୍ୟକାଳର ଶେଷ ବଜେଟ୍ ଅଧିବେଶନ ହେବ। ଲୋକସଭା ନିର୍ବାଚନ ପୂର୍ବରୁ ସଂସଦର ଏହି ଶେଷ ବଜେଟ୍ ଅଧିବେଶନ ଫେବୃଆରୀ ୯ ପର୍ଯ୍ୟନ୍ତ ଚାଲିବ | ରାଷ୍ଟ୍ରପତି ଦ୍ରୌପଦୀ ମୁର୍ମୁ ଜାନୁଆରୀ ୩୧ରେ ସଂସଦର ଉଭୟ ଗୃହକୁ ସମ୍ବୋଧିତ କରିବେ। ଏହା ପରେ ଫେବୃଆରୀ ୧ରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ମଧ୍ୟବର୍ତ୍ତୀକାଳୀନ ବଜେଟ୍ ଉପସ୍ଥାପନ କରିବେ।
ସଂସଦର ଏହି ବଜେଟ୍ ଅଧିବେଶନ ମୋଦୀ ସରକାରଙ୍କ ଦ୍ୱିତୀୟ କାର୍ଯ୍ୟକାଳର ଶେଷ ଅଧିବେଶନ ହେବ। ଲୋକସଭା ନିର୍ବାଚନକୁ ଦୃଷ୍ଟିରେ ରଖି ମୋଦୀ ସରକାର ଏହି ମଧ୍ୟବର୍ତ୍ତୀ ବଜେଟରେ ମହିଳା ଏବଂ ଚାଷୀଙ୍କ ପାଇଁ ବଡ଼ ଘୋଷଣା କରିପାରନ୍ତି। ଚାଷୀ ମାନଙ୍କୁ ଦିଆଯାଉଥିବା କିସାନ୍ ସମ୍ମାନ ନିଧି ରାଶି ଦ୍ୱିଗୁଣିତ କରିବାକୁ ସରକାର ପ୍ରସ୍ତାବ ଆଣିପାରନ୍ତି। ଏହାଛଡ଼ା ଭୋଟ୍ ଦୃଷ୍ଟିରୁ ସରକାର ବଜେଟରେ ଆହୁରି କିଛି ଲୋକପ୍ରିୟ ଘୋଷଣା କରିବା ସମ୍ଭାବନା ରହିଛି।