ନୂଆଦିଲ୍ଲୀ: ଭିଭିଆଇପିଙ୍କ ସୁରକ୍ଷା ପାଇଁ ତାଲିମପ୍ରାପ୍ତ ସେଣ୍ଟ୍ରାଲ ରିଜର୍ଭ ପୋଲିସ୍ ଫୋର୍ସ (ସିଆରପିଏଫ୍) ମହିଳା କମାଣ୍ଡୋଙ୍କର ପ୍ରଥମ କଣ୍ଟିଜେଣ୍ଟ୍ ଶୀଘ୍ର ନିୟୋଜିତ ହେବ | ବିଭିନ୍ନ ଦାୟିତ୍ୱ ତୁଲାଇବା ପାଇଁ ସେମାନଙ୍କୁ ଗୃହମନ୍ତ୍ରୀ ଅମିତ ଶାହା, କଂଗ୍ରେସ ସଭାପତି ସୋନିଆ ଗାନ୍ଧୀ, ପ୍ରିୟଙ୍କା ଗାନ୍ଧୀ ଭଦ୍ରା ଏବଂ ଅନ୍ୟ ଭିଆଇପି ବ୍ୟକ୍ତିଙ୍କ ସହିତ ପୋଷ୍ଟ କରାଯିବ | ପାଞ୍ଚଟି ରାଜ୍ୟରେ ହେବାକୁ ଥିବା ନିର୍ବାଚନ ସମୟରେ ମଧ୍ୟ ସେମାନଙ୍କ ସୁରକ୍ଷାରେ ଏହି ମହିଳା କମାଣ୍ଡୋ ଉପସ୍ଥିତ ରହିବେ ସରକାରୀ ସୂତ୍ରରୁ ପ୍ରକାଶ।
ଭିଆଇପି ସିକ୍ୟୁରିଟି ପାଇଁ ସିଆରପିଏଫ୍ ୩୨ ମହିଳା କମାଣ୍ଡୋଙ୍କ ୟୁନିଟ୍ ପ୍ରସ୍ତୁତ କରିଛି ଏବଂ ବର୍ତ୍ତମାନ ଏମାନଙ୍କୁ ଦିଲ୍ଲୀରେ ଅବସ୍ଥିତ ଟପ୍ ‘ଜେଡ୍-ପ୍ଲସ୍’ ସୁରକ୍ଷାକର୍ମୀଙ୍କୁ ଜଗିବା ଦାୟିତ୍ବ ଦିଆଯିବ।
ସୂତ୍ରରୁ ପ୍ରକାଶ ଯେ ଏହି ମହିଳା କମାଣ୍ଡୋମାନେ ଭିଆଇପି ସୁରକ୍ଷା ଦାୟିତ୍ୱ, ନିରସ୍ତ୍ର ଯୁଦ୍ଧ କୌଶଳ, ତଲାସୀ ଏବଂ ସ୍ୱତନ୍ତ୍ର ଅସ୍ତ୍ରଶସ୍ତ୍ର ସହ ଫାୟାରିଂ ସମ୍ବନ୍ଧୀୟ ସେମାନଙ୍କର ୧୦ ସପ୍ତାହର ତାଲିମ ସମାପ୍ତ କରିଛନ୍ତି ଏବଂ ବର୍ତ୍ତମାନ ଜାନୁଆରୀ ମାସରେ ଏହି ୟୁନିଟ୍ କୁ ନିୟୋଜିତ କରାଯିବ |
ସେ କହିଛନ୍ତି ଯେ ପ୍ରଥମେ ଦିଲ୍ଲୀରେ ଅବସ୍ଥାପିତ ଜେଡ୍ + ବର୍ଗର ସୁରକ୍ଷା କର୍ମୀଙ୍କ ସହ ମହିଳା କମାଣ୍ଡୋ ନିୟୋଜିତ ହେବେ। ଏହି ସୁରକ୍ଷା ବର୍ଗରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ସହ ସୋନିଆ ଗାନ୍ଧୀ, ପ୍ରିୟଙ୍କା ଗାନ୍ଧୀ ଭଦ୍ରା ଏବଂ ରାହୁଲ ଗାନ୍ଧୀ ଓ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଏବଂ ତାଙ୍କ ପତ୍ନୀ ଗୁରୁଶରଣ କୌର ଅଛନ୍ତି।