ସିଙ୍ଗାପୁର ଓ ହଂକଂ ପରେ ନେପାଳରେ ବ୍ୟାନ୍ ହେଲା ‘ଏମଡିଏଚ୍’ ଏବଂ ‘ଏଭରେଷ୍ଟ’ ମସଲା
ନୂଆଦିଲ୍ଲୀ: ଭାରତୀୟ ମସଲାକୁ ନେଇ ବିବାଦ ଥମିବାର ନାଁ ନେଉନାହିଁ । ସିଙ୍ଗାପୁର ଏବଂ ହଂକଂ ପରେ ଏବେ ନେପାଳ ମଧ୍ୟ ଭାରତୀୟ ବ୍ରାଣ୍ଡ୍ ‘ଏମଡିଏଚ୍’ ଏବଂ ‘ଏଭରେଷ୍ଟ’ ମସଲା ଉପରେ ବ୍ୟାନ୍ ଲଗାଇଛି | ଏମଡିଏଚ୍ ଏବଂ ଏଭରେଷ୍ଟର ମସଲାରେ କ୍ଷତିକାରକ କୀଟନାଶକ ମିଳିବା ଅଭିଯୋଗ ପରେ ନେପାଳ ଏହି ପଦକ୍ଷେପ ନେଇଛି। ଏହାର ବ୍ୟବହାର, ବିକ୍ରୟ ଏବଂ ଆମଦାନୀ ଉପରେ କଟକଣା ଲଗାଯାଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ନେପାଳର ଖାଦ୍ୟ ଏବଂ ଗୁଣବତ୍ତା ନିୟନ୍ତ୍ରଣ [...]
ନୂଆଦିଲ୍ଲୀ: ଭାରତୀୟ ମସଲାକୁ ନେଇ ବିବାଦ ଥମିବାର ନାଁ ନେଉନାହିଁ । ସିଙ୍ଗାପୁର ଏବଂ ହଂକଂ ପରେ ଏବେ ନେପାଳ ମଧ୍ୟ ଭାରତୀୟ ବ୍ରାଣ୍ଡ୍ ‘ଏମଡିଏଚ୍’ ଏବଂ ‘ଏଭରେଷ୍ଟ’ ମସଲା ଉପରେ ବ୍ୟାନ୍ ଲଗାଇଛି |
ଏମଡିଏଚ୍ ଏବଂ ଏଭରେଷ୍ଟର ମସଲାରେ କ୍ଷତିକାରକ କୀଟନାଶକ ମିଳିବା ଅଭିଯୋଗ ପରେ ନେପାଳ ଏହି ପଦକ୍ଷେପ ନେଇଛି। ଏହାର ବ୍ୟବହାର, ବିକ୍ରୟ ଏବଂ ଆମଦାନୀ ଉପରେ କଟକଣା ଲଗାଯାଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ନେପାଳର ଖାଦ୍ୟ ଏବଂ ଗୁଣବତ୍ତା ନିୟନ୍ତ୍ରଣ ବିଭାଗ ଦୁଇଟି ଭାରତୀୟ ବ୍ରାଣ୍ଡର ମସଲା ଗୁଣ୍ଡରେ କର୍କଟ ରୋଗ ସୃଷ୍ଟିକାରୀ କୀଟନାଶକ ଇଥିଲିନ ଅକ୍ସାଇଡ ମିଳିବା ଅଭିଯୋଗ ପରେ ଏନେଇ ପରୀକ୍ଷା ଆରମ୍ଭ କରିଛି।
ଚୂଡ଼ାନ୍ତ ରିପୋର୍ଟ ଆସିବା ପର୍ଯ୍ୟନ୍ତ ଏହି ଦୁଇ ଭାରତୀୟ ବ୍ରାଣ୍ଡର ମସଲା ଉପରେ କଟକଣା ବଳବତ୍ତର ରହିବ।
ବ୍ରିଟେନ ଓ ନ୍ୟୁଜିଲ୍ୟାଣ୍ଡ ସହ ଆଉ କିଛି ଦେଶରେ ମଧ୍ୟ ଏମଡିଏଚ୍ ଏବଂ ଏଭରେଷ୍ଟର ମସଲାର ମାନ ପରୀକ୍ଷା ପାଇଁ ନିର୍ଦ୍ଦେଶ ଦିଆଯାଇଛି ।
କେବଳ ବିଦେଶରେ ନୁହଁ, ଭାରତରେ ମଧ୍ୟ ଉଭୟ କମ୍ପାନୀ ତଦନ୍ତ ପରିସରକୁ ଆସିଛନ୍ତି। ଭାରତୀୟ ଖାଦ୍ୟ ନିରାପତ୍ତା ନିୟାମକ (ଏଫ୍ଏସ୍ଏସ୍ଏଆଇ) ବିଭିନ୍ନ ମସଲାର ଯାଞ୍ଚ ବ୍ୟାପକ କରିଛି | ଏଫ୍ଏସ୍ଏସ୍ଏଆଇ ଦେଶରେ ୧,୫୦୦ରୁ ଅଧିକ ମସଲାର ନମୁନା ସଂଗ୍ରହ କରି ଯାଞ୍ଚ କରୁଛି। ସରକାର କହିଛନ୍ତି ଯେ ଯଦି ଏହି ସମସ୍ତ ନମୁନା ଯାଞ୍ଚରେ ପାସ୍ ନ ହୁଅନ୍ତି ତେବେ ସମ୍ପୃକ୍ତ କମ୍ପାନୀର ଉତ୍ପାଦର ଲାଇସେନ୍ସ ରଦ୍ଦ କରାଯିବ ।
କୋଭାକ୍ସିନ୍ ଟିକା ନେଇଥିବା ୩୦ ପ୍ରତିଶତ ଲୋକଙ୍କ ଠାରେ ଦେଖାଦେଇଥିଲା ନାନା ସ୍ୱାସ୍ଥ୍ୟଗତ ସମସ୍ୟା
Next Articleମୁମ୍ବାଇ ହୋର୍ଡିଂ ଅଘଟଣ: ମାଲିକ ଭବେଶ ଭିଣ୍ଡେ ରାଜସ୍ଥାନରୁ ଗିରଫ
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]