ବେଆଇନ ବିକ୍ରି ହେଉଥିବା ୧.୨୦ ଲକ୍ଷ ଟଙ୍କାର ସେନା ୟୁନିଫର୍ମ ଜବତ
ବ୍ରହ୍ମପୁର: ବ୍ରହ୍ମପୁର ପୋଲିସ ଓ ମିଲିଟାରୀ ଗୁଇନ୍ଦା ୟୁନିଟ୍ ମିଳିତ ଚଢାଉ କରି ଷ୍ଟାଡିୟମ୍ ନିକଟ ଗଞ୍ଜାମ ଗାଲାକ୍ସି ଷ୍ଟୋରରୁ ସେନା କମ୍ବାଟ୍ ୟୁନିଫର୍ମ ଜବତ କରିଛି। ସମୁଦାୟ ୪୮୮ ମିଟର ୟୁନିଫର୍ମ କପଡ଼ା ତଥା ରେଡିମେଡ୍ ପୋଷାକ ଯାହାର ମୂଲ୍ୟ ୧ ଲକ୍ଷ ୨୦ ହଜାର ଟଙ୍କା ହେବ ତାହା ଜବତ କରାଯାଇଛି। ଟାଉନ୍ ଥାନାରେ କେସ୍ ନମ୍ବର ୫୭/୨୪ ରୁଜୁ କରାଯାଇ ତଦନ୍ତ ଆରମ୍ଭ କରିଛି ପୋଲିସ। ସମ୍ପୃକ୍ତ ଦୋକାନ ମାଲିକ ଏହାକୁ କୋଲକାତା [...]
ବ୍ରହ୍ମପୁର: ବ୍ରହ୍ମପୁର ପୋଲିସ ଓ ମିଲିଟାରୀ ଗୁଇନ୍ଦା ୟୁନିଟ୍ ମିଳିତ ଚଢାଉ କରି ଷ୍ଟାଡିୟମ୍ ନିକଟ ଗଞ୍ଜାମ ଗାଲାକ୍ସି ଷ୍ଟୋରରୁ ସେନା କମ୍ବାଟ୍ ୟୁନିଫର୍ମ ଜବତ କରିଛି। ସମୁଦାୟ ୪୮୮ ମିଟର ୟୁନିଫର୍ମ କପଡ଼ା ତଥା ରେଡିମେଡ୍ ପୋଷାକ ଯାହାର ମୂଲ୍ୟ ୧ ଲକ୍ଷ ୨୦ ହଜାର ଟଙ୍କା ହେବ ତାହା ଜବତ କରାଯାଇଛି। ଟାଉନ୍ ଥାନାରେ କେସ୍ ନମ୍ବର ୫୭/୨୪ ରୁଜୁ କରାଯାଇ ତଦନ୍ତ ଆରମ୍ଭ କରିଛି ପୋଲିସ। ସମ୍ପୃକ୍ତ ଦୋକାନ ମାଲିକ ଏହାକୁ କୋଲକାତା ଓ ଲୁଧିଆନାରୁ କିଣିଥିବା ଜଣାପଡ଼ିଛି।
ଦେଶର ସୁରକ୍ଷା ଦୃଷ୍ଟିରୁ ଏହା ଏକ ସମ୍ବେଦନଶୀଳ ପ୍ରସଙ୍ଗ ଯେ ସେନା ଦ୍ବାରା ବିଭିନ୍ନ ସଶସ୍ତ୍ର ଅଭିଯାନ (କମ୍ବାଟ୍ ଅପରେସନ୍)ରେ ବ୍ୟବହୃତ ହେଉଥିବା ୟୁନିଫର୍ମ ଖୋଲା ବଜାରରେ ନକଲି ଓ ବେଆଇନ ଭାବେ ଉପଲବ୍ଧ ବା ବିକ୍ରି ହେଉଛି। ଏଣୁ ଏହି କାରବାରର ଚେର ଓ ଏଥିରେ ସମ୍ପୃକ୍ତ ଲୋକଙ୍କ ବାବଦରେ ପୋଲିସ ତନାଘନା ଚଳାଇଛି। ନିକଟସ୍ଥ ଗୋଳାବନ୍ଧ ଠାରେ ଥିବା ଆର୍ମୀ ଏୟାର୍ ଡିଫେନ୍ସ କଲେଜରେ କାର୍ଯ୍ୟରତ ଜଣେ ସେନା କର୍ମଚାରୀ ରାମ ବାବୁ ଦାଙ୍ଗି ପ୍ରଥମେ ଏହା ଦେଖି ନିଜ ଉପରିସ୍ଥ ଅଧିକାରୀଙ୍କୁ ଅବଗତ କରାଇଥିଲେ। ଏହା ପରେ ଖୋଳତାଡ଼ ଆରମ୍ଭ ହୋଇଥିଲା। ୨୦୨୨ ଜାନୁଆରୀ ୧୫ରେ ଭାରତୀୟ ସ୍ଥଳ ସେନା ଏହି ଡିଜିଟାଲ୍ ପ୍ୟାଟର୍ଣ୍ଣ କମ୍ବାଟ୍ ୟୁନିଫର୍ମ ଉନ୍ମୋଚନ କରିଥିଲା। ପୁରୁଣା ୟୁନିଫର୍ମ ଧିରେ ଧିରେ ସେନାବାହିନୀରୁ ପ୍ରତ୍ୟାହାର କରି ନିଆଯାଉଛି। ସୁରକ୍ଷା ଦୃଷ୍ଟିରୁ ନୂଆ ୟୁନିଫର୍ମର ନକଲ ହେବାକୁ ତଥା ଖୋଲା ବଜାରରେ ବିକ୍ରିକୁ ରୋକିବା ପାଇଁ ସେନା ଏହାର କପିରାଇଟ୍ (ମୂଳ ସ୍ବତ୍ତ୍ବାଧିକାର) ହାସଲ କରିଥିଲା। ଏହା କେବଳ ସେନାର ଅଧିକୃତ କ୍ୟାଣ୍ଟିନ୍ ଗୁଡ଼ିକରେ ଉପଲବ୍ଧ ହୋଇପାରିବ। ଏଣୁ ଗଞ୍ଜାମ ଗାଲାକ୍ସି ଦୋକାନରେ ଏହା କିଭଳି ବିକ୍ରି ହେଉଥିଲା ତାହାର ଯାଞ୍ଚ କରାଯାଉଛି।
ଏନସିପି ମାମଲା: ଶରଦ ପାୱାରଙ୍କ ଆବେଦନ ଉପରେ ଆଜି ସୁପ୍ରିମକୋର୍ଟରେ ଶୁଣାଣି
Next ArticleOdisha Inclusive Urban Sanitation Policy 2024 Notified, Intends to Ensure Sustainable Sanitation Services for All
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]