ଟି-୨୦ ବିଶ୍ୱକପ: ୪୮ ରନର ଟାର୍ଗେଟକୁ ୧୯ ବଲରେ ଚେଜ୍ କଲା ଇଂଲଣ୍ଡ, ସୁପର-୮ ଆଶା ଉଜ୍ଜୀବିତ
ନର୍ଥ ସାଉଣ୍ଡ: ବୋଲରଙ୍କ ଚମତ୍କାର ପ୍ରଦର୍ଶନ ବଳରେ ଇଂଲଣ୍ଡ ଟି-୨୦ ବିଶ୍ୱକପର ଏକ ଗ୍ରୁପ୍ ବି’ ମ୍ୟାଚରେ ଓମାନକୁ ୮ ୱିକେଟରେ ହରାଇ ସୁପର-୮ ଆଶା ଉଜ୍ଜୀବିତ କରିଛି । ଆଣ୍ଟିଗୁଆର ସାର୍ ଭିଭିଆନ୍ ରିଚାର୍ଡସ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ୍ରେ ଇଂଲଣ୍ଡ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରିଥିବା ଓମାନ ଦଳ ୧୩.୨ ଓଭରରେ ମାତ୍ର ୪୭ ରନ୍ କରି ଅଲ୍ଆଉଟ୍ ହୋଇଯାଇଥିଲା। ଓମାନର ୧୦ ଜଣ ବ୍ଯାଟର ଦୁଇ [...]
ନର୍ଥ ସାଉଣ୍ଡ: ବୋଲରଙ୍କ ଚମତ୍କାର ପ୍ରଦର୍ଶନ ବଳରେ ଇଂଲଣ୍ଡ ଟି-୨୦ ବିଶ୍ୱକପର ଏକ ଗ୍ରୁପ୍ ବି’ ମ୍ୟାଚରେ ଓମାନକୁ ୮ ୱିକେଟରେ ହରାଇ ସୁପର-୮ ଆଶା ଉଜ୍ଜୀବିତ କରିଛି । ଆଣ୍ଟିଗୁଆର ସାର୍ ଭିଭିଆନ୍ ରିଚାର୍ଡସ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ୍ରେ ଇଂଲଣ୍ଡ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା।
ପ୍ରଥମେ ବ୍ୟାଟିଂ କରିଥିବା ଓମାନ ଦଳ ୧୩.୨ ଓଭରରେ ମାତ୍ର ୪୭ ରନ୍ କରି ଅଲ୍ଆଉଟ୍ ହୋଇଯାଇଥିଲା। ଓମାନର ୧୦ ଜଣ ବ୍ଯାଟର ଦୁଇ ଅଙ୍କ ଛୁଇଁ ପାରିନଥିଲେ । ଏହାର ଜବାବରେ ଇଂଲଣ୍ଡ ୨ ୱିକେଟ୍ ହରାଇ କେବଳ ୩.୧ ଓଭରରେ ମ୍ୟାଚ୍ ଜିତି ନେଇଥିଲା। ରନ୍ ରେଟ୍ ଦୃଷ୍ଟିରୁ ସ୍କଟଲ୍ୟାଣ୍ଡକୁ ଟପିବା ପାଇଁ ଇଂଲଣ୍ଡକୁ ଏହି ଲକ୍ଷ୍ୟ ୫.୧ ଓଭରରେ ଚେଜ୍ କରିବାର ଥିଲା। ତେବେ ଦଳ ମାତ୍ର ୩.୧ ଓଭର ଅର୍ଥାତ୍ ୧୯ଟି ବଲରେ ଚେଜ୍ କରିବାରେ ସଫଳ ହୋଇଥିଲା।
ଏହି ଏକତରଫା ବିଜୟ ପରେ ଇଂଲଣ୍ଡର ପ୍ଲେ ଅଫ୍ ଆଶା ଉଜ୍ଜୀବିତ ହୋଇଛି | ଅଷ୍ଟ୍ରେଲିଆ ୬ ପଏଣ୍ଟ ସହ ଟେବୁଲ ଶୀର୍ଷରେ ଥିବା ବେଳେ ତିନୋଟି ମ୍ୟାଚରୁ ସ୍କଟଲାଣ୍ଡର ୩ ପଏଣ୍ଟ ରହିଛି | ଓମାନ ବିପକ୍ଷ ବଡ଼ ବିଜୟ ପରେ ଇଂଲଣ୍ଡର ପଏଣ୍ଟ ସଂଖ୍ୟା ମଧ୍ୟ ୩କୁ ବୃଦ୍ଧି ହୋଇଛି । ଏହାଛଡ଼ା ଦଳର ନେଟ୍ ରନ୍ ରେଟ୍ ମଧ୍ୟ ସ୍କଟଲ୍ୟାଣ୍ଡକୁ ଟପିଛି । ସ୍କଟଲ୍ୟାଣ୍ଡ ଯଦି ପରବର୍ତ୍ତୀ ମ୍ୟାଚ୍ ହାରିଯାଏ ଓ ଇଂଲଣ୍ଡ ବଡ଼ ମ୍ୟାଚରେ ବିଜୟୀ ହୋଇଯାଏ ତେବେ ଦଳ ସୁପର ୮ ପାଇଁ ଯୋଗ୍ୟତା ଅର୍ଜନ କରିବ। ଓମାନ ସମସ୍ତ ୪ଟି ମ୍ୟାଚ୍ ହାରି ଟି-୨୦ ବିଶ୍ୱକପରୁ ବାଦ୍ ପଡ଼ିଛି ।
ପୂର୍ବରୁ ଇଂଲଣ୍ଡ ବୋଲରଙ୍କ ଆଗରେ ଓମାନ ସଂଘର୍ଷ କରିଥିଲା। ଇଂଲଣ୍ଡ ତରଫରୁ ସ୍ପିନର ଆଦିଲ ରସିଦ ସର୍ବାଧିକ ୪ଟି ୱିକେଟ୍ ନେଇଥିଲେ। ପେସର୍ ମାର୍କ ଉଡ୍ ଏବଂ ଜୋଫ୍ରା ଆର୍ଚର ୩ଟି ଲେଖାଏଁ ୱିକେଟ୍ ପାଇଥିଲେ।
ମାଟି ଓ ମେଘର ପର୍ବ ରଜ ଉପଲକ୍ଷେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଲେ ରାଷ୍ଟ୍ରପତି
Next Articleକୁଏତ ଅଗ୍ନିକାଣ୍ଡରେ ମୃତ ଭାରତୀୟଙ୍କ ମଧ୍ୟରେ ଦୁଇ ଓଡ଼ିଆ, ଆଜି ଭାରତ ଆସୁଛି ମୃତଦେହ
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]