ବନ୍ଦ ହେଲା ଦେଶୀ ଟ୍ବିଟର ‘କୂ’
ନୂଆଦିଲ୍ଲୀ: ଏକଦା ଦେଶୀ ଟ୍ବିଟର ଆଖ୍ୟା ପାଇଥିବା ଭାରତୀୟ ସୋସିଆଲ ମିଡ଼ିଆ କମ୍ପାନୀ ‘କୂ’ ବନ୍ଦ ହୋଇଯାଇଛି। ‘କୂ’ ଟ୍ୱିଟର (ବର୍ତ୍ତମାନ ‘ଏକ୍ସ’)ର ପ୍ରତିଦ୍ୱନ୍ଦ୍ୱୀ ଭାବେ ସୋସିଆଲ ମିଡ଼ିଆ ଜଗତରେ ଏଣ୍ଟ୍ରି କରିଥିଲା | ହେଲେ ଆରମ୍ଭ ହେବାର ତିନି ବର୍ଷ ପରେ ଏହି ଭାରତୀୟ ଷ୍ଟାର୍ଟଅପ୍ ବନ୍ଦ ହୋଇଛି । ‘କୂ’ର ପ୍ରତିଷ୍ଠାତା ଅପ୍ରେମୟ ରାଧାକୃଷ୍ଣ ଏବଂ ମୟଙ୍କ ବିଦୱାଟକା ଏହି ସୋସିଆଲ ମିଡ଼ିଆ ପ୍ଲାଟଫର୍ମ ବନ୍ଦ ହେବା ନେଇ ସୂଚନା ଦେଇଛନ୍ତି। ଏକଦା ରାଜନେତାଙ୍କ [...]
ନୂଆଦିଲ୍ଲୀ: ଏକଦା ଦେଶୀ ଟ୍ବିଟର ଆଖ୍ୟା ପାଇଥିବା ଭାରତୀୟ ସୋସିଆଲ ମିଡ଼ିଆ କମ୍ପାନୀ ‘କୂ’ ବନ୍ଦ ହୋଇଯାଇଛି। ‘କୂ’ ଟ୍ୱିଟର (ବର୍ତ୍ତମାନ ‘ଏକ୍ସ’)ର ପ୍ରତିଦ୍ୱନ୍ଦ୍ୱୀ ଭାବେ ସୋସିଆଲ ମିଡ଼ିଆ ଜଗତରେ ଏଣ୍ଟ୍ରି କରିଥିଲା | ହେଲେ ଆରମ୍ଭ ହେବାର ତିନି ବର୍ଷ ପରେ ଏହି ଭାରତୀୟ ଷ୍ଟାର୍ଟଅପ୍ ବନ୍ଦ ହୋଇଛି । ‘କୂ’ର ପ୍ରତିଷ୍ଠାତା ଅପ୍ରେମୟ ରାଧାକୃଷ୍ଣ ଏବଂ ମୟଙ୍କ ବିଦୱାଟକା ଏହି ସୋସିଆଲ ମିଡ଼ିଆ ପ୍ଲାଟଫର୍ମ ବନ୍ଦ ହେବା ନେଇ ସୂଚନା ଦେଇଛନ୍ତି। ଏକଦା ରାଜନେତାଙ୍କ ଠାରୁ ଆରମ୍ଭ କରି ମନ୍ତ୍ରୀଙ୍କ ପର୍ଯ୍ୟନ୍ତ ଅନେକ ଭିଭିଆଇପି ‘କୂ’ରେ ନିଜ ଆକାଉଣ୍ଟ ଖୋଲିଥିଲେ ।
‘କୂ’ର ପ୍ରତିଷ୍ଠାତାଙ୍କ କହିବା ମୁତାବକ ବ୍ୟାବସାୟିକ ପାର୍ଟନରସିପ୍ ନେଇ ଆଲୋଚନା ବିଫଳ ହେବା ଏବଂ କମ୍ପାନୀ ଚଳାଇବାରେ ବ୍ୟୟବହୁଳତା ଯୋଗୁଁ ଏହି ସୋସିଆଲ ମିଡିଆ ପ୍ଲାଟଫର୍ମକୁ ବନ୍ଦ କରିବାକୁ ପଡ଼ିଛି। ଆର୍ଥିକ ସମସ୍ୟା ଯୋଗୁଁ କମ୍ପାନୀ ଏପ୍ରିଲ୍ ୨୦୨୩ରୁ ହିଁ କର୍ମଚାରୀ ଛଟେଇ ଆରମ୍ଭ କରିଥିଲା ।
ଏକଦା ‘କୂ’ର ଦୈନିକ ସକ୍ରିୟ ୟୁଜରଙ୍କ ସଂଖ୍ୟା ୨୧ ଲକ୍ଷରେ ପହଞ୍ଚିଥିଲା । କମ୍ପାନୀର ମାସିକ ସକ୍ରିୟ ୟୁଜର ସଂଖ୍ୟା ମଧ୍ୟ କୋଟିଏ ଛୁଇଁଥିଲା। ଏହି ପ୍ଲାଟଫର୍ମରେ ୯ ହଜାର ଭିଆଇପି ଲୋକଙ୍କର ଆକାଉଣ୍ଟ ଥିଲା | ଏହି ପ୍ଲାଟଫର୍ମକୁ ରାଜନେତାମାନେ ବି ପ୍ରମୋଟ କରୁଥିଲେ।
ସେତେବେଳେ ବହୁ ନେତା, ବିଶେଷକରି ଶାସକ ବିଜେପି ଦଳର ନେତା ଏବଂ କ୍ୟାବିନେଟ ମନ୍ତ୍ରୀ ‘କୂ’ରେ ନିଜ ଆକାଉଣ୍ଟ ଖୋଲିଥିଲେ। ଏହି ସୋସିଆଲ ମିଡ଼ିଆ ପ୍ଲାଟଫର୍ମକୁ ଦେଶୀ ଟ୍ୱିଟର ଭାବେ ପ୍ରମୋଟ କରାଯାଉଥିଲା | ତେବେ ଏତେ ସଫଳତା ସତ୍ତ୍ବେ ଆର୍ଥିକ ସମସ୍ୟା ଯୋଗୁଁ କମ୍ପାନୀକୁ ଶେଷରେ ନିଜ ବ୍ୟବସାୟ ବନ୍ଦ କରିବାକୁ ପଡ଼ିଛି।
ବ୍ରହ୍ମପୁର: ଦୁର୍ଘଟଣାରେ ୨ ମୃତ, ଜଣେ ଗୁରୁତର
Next Articleଗୀତା ଉପଦେଶ : ଆସକ୍ତି ତ୍ୟାଗ ପୂର୍ବକ କର୍ମ କରିବା ଉଚିତ
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]