ସାଢ଼େ ୭ ବର୍ଷ ପରେ ମିଳିଲା ନିଖୋଜ ଭାରତୀୟ ବାୟୁସେନା ବିମାନର ଭଗ୍ନାବଶେଷ
ନୂଆଦିଲ୍ଲୀ: ପ୍ରାୟ ସାଢେ଼ ୭ ବର୍ଷ ପରେ ମିଳିଛି ଭାରତୀୟ ବାୟୁସେନାର ଏକ ନିଖୋଜ ବିମାନର ଭଗ୍ନାବଶେଷ । ବଙ୍ଗୋପସାଗରରେ ପ୍ରାୟ ୩.୪ କିଲୋମିଟର ଗଭୀରତାରେ ବିମାନର ଭଗ୍ନାବଶେଷ ମିଳିଛି। ନିଖୋଜ ବିମାନରେ ୨୯ ଜଣ କର୍ମଚାରୀ ଥିଲେ। ପ୍ରତିରକ୍ଷା ମନ୍ତ୍ରଣାଳୟ କହିଛି, ନିକଟରେ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଓସନ୍ ଟେକ୍ନୋଲୋଜିର ଏକ ସ୍ୱୟଂଚାଳିତ ଅଣ୍ଡର ୱାଟର ଭେଇକିଲ (ଏୟୁଭି) ଦ୍ୱାରା ଉତ୍ତୋଳିତ ଫଟୋ ଗୁଡ଼ିକର ଯାଞ୍ଚରୁ ଚେନ୍ନାଇ ଉପକୂଳଠାରୁ ୩୧୦ କିଲୋମିଟର ଦୂର ସମୁଦ୍ରରେ ମିଳିଥିବା [...]
ନୂଆଦିଲ୍ଲୀ: ପ୍ରାୟ ସାଢେ଼ ୭ ବର୍ଷ ପରେ ମିଳିଛି ଭାରତୀୟ ବାୟୁସେନାର ଏକ ନିଖୋଜ ବିମାନର ଭଗ୍ନାବଶେଷ । ବଙ୍ଗୋପସାଗରରେ ପ୍ରାୟ ୩.୪ କିଲୋମିଟର ଗଭୀରତାରେ ବିମାନର ଭଗ୍ନାବଶେଷ ମିଳିଛି। ନିଖୋଜ ବିମାନରେ ୨୯ ଜଣ କର୍ମଚାରୀ ଥିଲେ।
ପ୍ରତିରକ୍ଷା ମନ୍ତ୍ରଣାଳୟ କହିଛି, ନିକଟରେ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଓସନ୍ ଟେକ୍ନୋଲୋଜିର ଏକ ସ୍ୱୟଂଚାଳିତ ଅଣ୍ଡର ୱାଟର ଭେଇକିଲ (ଏୟୁଭି) ଦ୍ୱାରା ଉତ୍ତୋଳିତ ଫଟୋ ଗୁଡ଼ିକର ଯାଞ୍ଚରୁ ଚେନ୍ନାଇ ଉପକୂଳଠାରୁ ୩୧୦ କିଲୋମିଟର ଦୂର ସମୁଦ୍ରରେ ମିଳିଥିବା ଭଗ୍ନାବଶେଷ ବାୟୁସେନାର ନିଖୋଜ ଏଏନ୍-୩୨ ବିମାନର ବୋଲି ଜଣାପଡ଼ିଛି ।
ମନ୍ତ୍ରଣାଳୟ ଏକ ବିବୃତ୍ତିରେ କହିଛି, “ଫଟୋଗୁଡ଼ିକର ଯାଞ୍ଚ୍ ପରେ ମିଳିଥିବା ଭଗ୍ନାବଶେଷ ଏଏନ୍-୩୨ ବିମାନ ସହ ମେଳ ଖାଉଥିବା ଜଣାପଡିଥିଲା | ସମ୍ଭାବ୍ୟ ଦୁର୍ଘଟଣା ସ୍ଥଳରେ ଏହି ଅଞ୍ଚଳର ଅନ୍ୟ କୌଣସି ବିମାନ ନିଖୋଜ ହେବାର କୌଣସି ଖବର ନ ଥିବାରୁ ଏହି ଭଗ୍ନାବଶେଷ ସମ୍ଭବତଃ ଦୁର୍ଘଟଣାଗ୍ରସ୍ତ ଭାରତୀୟ ବାୟୁସେନା ଏଏନ୍-୩୨ ବିମାନର ବୋଲି ଜଣାପଡ଼ୁଛି।
କେ-୨୭୪୩ ପଞ୍ଜୀକରଣ ନମ୍ବର ଥିବା ଭାରତୀୟ ବାୟୁସେନା ଏଏନ୍-୩୨ ବିମାନ ୨୨ ଜୁଲାଇ ୨୦୧୬ରେ ଏକ ମିଶନ ସମୟରେ ବଙ୍ଗୋପସାଗର ଉପରେ ନିଖୋଜ ହୋଇଯାଇଥିଲା। ବିମାନରେ ୨୯ ଜଣ କର୍ମଚାରୀ ଥିଲେ।
ସେହି ବିମାନକୁ ଖୋଜିବା ପାଇଁ ବଡ଼ ଅପରେସନ୍ ଆରମ୍ଭ କରାଯାଇଥିଲା, ଯେଉଁଥିରେ ଅନେକ ବିମାନ ଓ ଜାହାଜ ନିୟୋଜିତ ହୋଇଥିଲେ । ତଥାପି ନିଖୋଜ ବିମାନ ଓ ସେଥିରେ ଥିବା କର୍ମଚାରୀମାନଙ୍କ ପତ୍ତା ମିଳିନଥିଲା ।
ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଓସିନ୍ ଟେକ୍ନୋଲୋଜି ପୃଥିବୀ ବିଜ୍ଞାନ ମନ୍ତ୍ରଣାଳୟ ଅଧୀନରେ କାମ କରେ | ଏହା ନିକଟରେ ନିଖୋଜ ଏଏନ୍-୩୨ ବିମାନର ଶେଷ ଲୋକେସନ ନିକଟ ଗଭୀର ସମୁଦ୍ରରେ ଅନ୍ବେଷଣ କ୍ଷମତା ଥିବା ଏକ ଏୟୁଭି ନିୟୋଜିତ କରିଥିଲା |
ପ୍ରତିରକ୍ଷା ମନ୍ତ୍ରଣାଳୟ କହିଛି, ମଲ୍ଟି ବିମ୍ ସୋନାର (ସାଉଣ୍ଡ ନେଭିଗେସନ୍ ଆଣ୍ଡ୍ ରେଞ୍ଜ୍), ସିନ୍ଥେଟିକ୍ ଆପେର୍ଚର ସୋନାର ଏବଂ ହାଇ ରିଜୋଲ୍ୟୁସନ୍ ଫଟୋଗ୍ରାଫି ସହିତ ଏକାଧିକ ଯନ୍ତ୍ର ବ୍ୟବହାର କରି ୩,୪୦୦ ମିଟର ଗଭୀରତାରେ ଏହି ଭଗ୍ନାବଶେଷ ଠାବ କରାଯାଇଛି।
ବଢୁଛି ମହଙ୍ଗା ବୋଝ, ଖୁଚୁରା ମୁଦ୍ରାସ୍ଫୀତି ଚାରି ମାସରେ ସର୍ବାଧିକ
Next Articleକୃଷି ଓଡିଶା-୨୦୨୪ ଉଦ୍ଘାଟିତ , କୃଷି ଉଦ୍ୟୋଗରେ ମହିଳାମାନଙ୍କ ଅଧିକ ସହଭାଗିତା ପାଇଁ ମୁଖ୍ୟମନ୍ତ୍ରୀଙ୍କ ଆହ୍ୱାନ
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]