ପୁରୀ-ଗୁଣୁପୁର ଟ୍ରେନରେ ଅଗ୍ନିକାଣ୍ଡ
ପାରଳାଖେମୁଣ୍ଡି: ପୁରୀରୁ ଗୁଣପୁର ଯାଉଥିବା ଟ୍ରେନରେ ଶନିବାର ବିଳମ୍ବିତ ସନ୍ଧ୍ୟାରେ ଅଗ୍ନିକାଣ୍ଡ ଘଟିଛି। ଏହି ଘଟଣା ଗଜପତି ଜିଲ୍ଲା କାଶୀନଗର ରେଳଷ୍ଟେସନ୍ ଠାରେ ଘଟିଛି। ଟ୍ରେନର ଏକ ବଗିରେ ଆକସ୍ମିକ ଭାବେ ନିଆଁ ଲାଗିଯାଇଥିଲା। ଟ୍ରେନ କାଶୀନଗର ଷ୍ଟେସନ୍ ଠାରେ ପହଞ୍ଚିଥିବା ବେଳେ କୌଣସି କାରଣରୁ ଏକ ବଗିରେ ହଠାତ୍ ନିଆଁ ଲାଗିଯାଇଥିଲା। ଏହା ଦେଖି ଯାତ୍ରୀମାନେ ଭୟଭୀତ ହୋଇ ଉଠିଥିଲେ। ତେବେ ରେଳ କର୍ମଚାରୀମାନେ ନିଆଁକୁ ତୁରନ୍ତ ଆୟତ୍ତ କରି ନେଇଥିଲେ। କେହି ଏହାକୁ ଯାନ୍ତ୍ରିକ [...]
ପାରଳାଖେମୁଣ୍ଡି: ପୁରୀରୁ ଗୁଣପୁର ଯାଉଥିବା ଟ୍ରେନରେ ଶନିବାର ବିଳମ୍ବିତ ସନ୍ଧ୍ୟାରେ ଅଗ୍ନିକାଣ୍ଡ ଘଟିଛି। ଏହି ଘଟଣା ଗଜପତି ଜିଲ୍ଲା କାଶୀନଗର ରେଳଷ୍ଟେସନ୍ ଠାରେ ଘଟିଛି। ଟ୍ରେନର ଏକ ବଗିରେ ଆକସ୍ମିକ ଭାବେ ନିଆଁ ଲାଗିଯାଇଥିଲା। ଟ୍ରେନ କାଶୀନଗର ଷ୍ଟେସନ୍ ଠାରେ ପହଞ୍ଚିଥିବା ବେଳେ କୌଣସି କାରଣରୁ ଏକ ବଗିରେ ହଠାତ୍ ନିଆଁ ଲାଗିଯାଇଥିଲା। ଏହା ଦେଖି ଯାତ୍ରୀମାନେ ଭୟଭୀତ ହୋଇ ଉଠିଥିଲେ। ତେବେ ରେଳ କର୍ମଚାରୀମାନେ ନିଆଁକୁ ତୁରନ୍ତ ଆୟତ୍ତ କରି ନେଇଥିଲେ। କେହି ଏହାକୁ ଯାନ୍ତ୍ରିକ ତ୍ରୁଟି ବୋଲି କହୁଛନ୍ତି ତ କେହି କୋଚ୍ ମଧ୍ୟରେ କପଡ଼ାରୁ ନିଆଁ ଲାଗି ଏପରି ଘଟିଥିବା କହୁଛନ୍ତି। ତେବେ ରେଳ କର୍ମଚାରୀଙ୍କ ତ୍ୱରିତ ପଦକ୍ଷେପ ଫଳରେ ସମସ୍ତ ଯାତ୍ରୀ ଅଳ୍ପକେ ବଡ଼ ଅଘଟଣକୁ ବର୍ତ୍ତିଯାଇଛନ୍ତି। କୌଣସି ବିଶେଷ ଜନଧନ କ୍ଷତି ହୋଇନି।
ଟ୍ରେନ୍ ନିର୍ଦ୍ଧାରିତ ସମୟ ଠାରୁ ବେଶ୍ ବିଳମ୍ବରେ କାଶୀନଗର ଠାରେ ପହଞ୍ଚିଥିଲା। ତେଣେ ଏହି ଅଘଟଣ ପରେ ଆହୁରି ବିଳମ୍ବ ହୋଇ ପ୍ରାୟ ମଧ୍ୟ ରାତ୍ରୀରେ ଟ୍ରେନ୍ ନିଜ ଅନ୍ତିମ ଗନ୍ତବ୍ୟ ପଥ ଅର୍ଥାତ୍ ଗୁଣପୁର ଠାରେ ପହଞ୍ଚିଥିଲା। ଯାତ୍ରୀମାନେ ବିଳମ୍ବ କାରଣରୁ ନାନାଦି ସମସ୍ୟାର ସମ୍ମୁଖୀନ ହୋଇଥିଲେ। କ୍ଷତିଗ୍ରସ୍ତ ବଗିକୁ ମରାମତି କରି ଟ୍ରେନକୁ କାଶୀନଗର ଠାରୁ ଗୁଣପୁର ଅଭିମୁଖେ ଛଡ଼ା ଯାଇଥିଲା। ଟ୍ରେନଟି ଷ୍ଟେସନରେ ଅଟକିଥିବା ସମୟରେ ଏପରି ଘଟିବାରୁ ତୁରନ୍ତ ଆୟତ୍ତ କରିବା ସମ୍ଭବପର ହୋଇଥିଲା। ନଚେତ୍ ଆହୁରି ବଡ଼ ଅଘଟଣ ଘଟିଥାନ୍ତା। ରେଳ କର୍ମଚାରୀଙ୍କ ତ୍ବରିତ ପଦକ୍ଷେପକୁ ଯାତ୍ରୀମାନେ ପ୍ରଶଂସା କରିଛନ୍ତି।
ରାଜଧାନୀ ପ୍ରତିଷ୍ଠା ଦିବସ ପାଳନ ନିମନ୍ତେ ଉଚ୍ଚସ୍ତରୀୟ ପ୍ରସ୍ତୁତି ବୈଠକ ଅନୁଷ୍ଠିତ
Next Articleଗୀତା ଉପଦେଶ:ଅକର୍ମଣ୍ୟତା ଠାରୁ କର୍ମ ଶ୍ରେଷ୍ଠ ଅଟେ, ନିଜ ସ୍ୱଭାବରେ ପ୍ରେରିତ ହୋଇ, ମନୁଷ୍ୟ ନିଜର ଗୁଣ ଅନୁସାରେ କର୍ମ କରିବାକୁ ଆଗ୍ରହୀ ହୋଇଥାଏ
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]