ନକଲି ଆଚାର କାରଖାନା ଠାବ: ଜଣେ ଗିରଫ
ବ୍ରହ୍ମପୁର: ବ୍ରହ୍ମପୁର ଆଚାରର ଚାହିଦା ସବୁଠି ରହିଛି। ଲୋକେ ବ୍ରହ୍ମପୁର ଆସିଲେ ଏଠାରେ ପ୍ରସ୍ତୁତ ଆଚାର ସାଥିରେ ନେଇଯିବାକୁ ଭୁଲନ୍ତି ନାହିଁ। ହେଲେ ଏହି ସୁଯୋଗରେ କିଛି ଅସାଧୁ ବ୍ୟବସାୟୀ ଏବେ ଏହି ଚଟପଟା ଖାଦ୍ୟର ଭେଜାଲ କାରବାର ଆରମ୍ଭ କରି ଦେଇଛନ୍ତି। ବ୍ରହ୍ମପୁର ପୋଲିସ ଏଭଳି ଏକ ଭେଜାଲ କାରବାରର ପର୍ଦ୍ଦାଫାଶ କରିଛି। ଜଣେ ନକଲି ଆଚାର ପ୍ରସ୍ତୁତକାରୀ ଓ ବିକ୍ରେତାଙ୍କୁ କାବୁ କରିଛି। ସେ ହେଲା ବଡ଼ବଜାର ଥାନା ଅନ୍ତର୍ଗତ ଅମ୍ବିକା ନଗରର ପିଣ୍ଟୁ [...]
ବ୍ରହ୍ମପୁର: ବ୍ରହ୍ମପୁର ଆଚାରର ଚାହିଦା ସବୁଠି ରହିଛି। ଲୋକେ ବ୍ରହ୍ମପୁର ଆସିଲେ ଏଠାରେ ପ୍ରସ୍ତୁତ ଆଚାର ସାଥିରେ ନେଇଯିବାକୁ ଭୁଲନ୍ତି ନାହିଁ। ହେଲେ ଏହି ସୁଯୋଗରେ କିଛି ଅସାଧୁ ବ୍ୟବସାୟୀ ଏବେ ଏହି ଚଟପଟା ଖାଦ୍ୟର ଭେଜାଲ କାରବାର ଆରମ୍ଭ କରି ଦେଇଛନ୍ତି। ବ୍ରହ୍ମପୁର ପୋଲିସ ଏଭଳି ଏକ ଭେଜାଲ କାରବାରର ପର୍ଦ୍ଦାଫାଶ କରିଛି। ଜଣେ ନକଲି ଆଚାର ପ୍ରସ୍ତୁତକାରୀ ଓ ବିକ୍ରେତାଙ୍କୁ କାବୁ କରିଛି। ସେ ହେଲା ବଡ଼ବଜାର ଥାନା ଅନ୍ତର୍ଗତ ଅମ୍ବିକା ନଗରର ପିଣ୍ଟୁ ସାହୁ (୩୪)। ଥାନାରେ କେସ୍ ନମ୍ବର ୮୪/୨୪ ରୁଜୁ କରାଯାଇଛି। ସେ ବ୍ରଜରାଜ ନଗର ୪ର୍ଥ ଗଳିରେ ଏକ ଭଡ଼ା ଘରେ ନକଲି ଆଚାର ପ୍ରସ୍ତୁତ କାରଖାନା ଚଳାଇଥିଲା। ବ୍ରାଣ୍ଡେଡ୍ କମ୍ପାନୀର ପ୍ୟାକିଂ କରି, ତାହାର ଭେଜାଲ୍ ଲେବୁଲ୍ ଓ ଲୋଗୋ ବ୍ୟବହାର କରି ସେହି କମ୍ପାନୀର ଉତ୍ପାଦ ଭଳି ଦେଖାଯାଉଥିବା ଜାର୍ ବା କାଚ ପ୍ୟାକରେ ସ୍ଥାନୀୟ ସ୍ତରରେ ପ୍ରସ୍ତୁତ ଆଚାର ଭର୍ତ୍ତି କରି ବଜାରକୁ ବିକ୍ରି ପାଇଁ ଛାଡୁଥିଲା। ଲେମ୍ବୁ, ମିଠା ଓ ରାଗ ଆମ୍ବ, ଖଜୁରୀ, ଅଦା ପେଷ୍ଟ୍, ମିଠା ଆଚାର, ଡି ପାଉଡର୍ ଓ ସୋଡିୟମ୍ ବେଞ୍ଜୋଏଟ୍ କେମିକାଲ ଓ ପାଉଡର୍, ଆମ୍ବ ସଢା, ସିନ୍ଥେଟିକ୍ ଖାଦ୍ୟ ରଙ୍ଗ, ସୋରିଷ ତେଲ ଓ ମଞ୍ଜି, ବିଭିନ୍ନ ନାମୀଦାମୀ କମ୍ପାନୀର ଖାଲି ଓ ନକଲି ଆଚାର ଭର୍ତ୍ତି ଜାର୍, ସିଲ୍ ମେସିନ୍, ଓଜନ ମେସିନ୍ ଆଦି ଜବତ କରିଛି ପୋଲିସ। ଖାଦ୍ୟ ନିରାପତ୍ତା ବିଭାଗ ସହ ମିଶି ଏହି ଚଢ଼ାଉ କରାଯାଇଥିଲା। ଏଭଳି ଅପମିଶ୍ରଣ ଓ ସ୍ଵାସ୍ଥ୍ୟ ପାଇଁ ହାନୀକାରକ ରାସାୟନ ମିଶ୍ରଣ ଲୋକଙ୍କ ପାଇଁ କ୍ଷତିକାରକ ଥିଲା। ଏବେ ନକଲି ଆଚାର ପ୍ରସ୍ତୁତକାରୀ ୟୁନିଟ୍ ସିଲ୍ କରିଛି ବ୍ରହ୍ମପୁର ପୋଲିସ।
କଲିକତା ହାଇକୋର୍ଟ ଜଜ୍ ପଦରୁ ଇସ୍ତଫା ପରେ ବିଜେପିରେ ଯୋଗ ଦେବେ ଜଷ୍ଟିସ ଅଭିଜିତ୍ ଗଙ୍ଗୋପାଧ୍ୟାୟ
Next ArticleBerhampur: One Arrested for Manufacturing Adulterated Pickles
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]