ଭଞ୍ଜନଗର ସହରତଳି ଅଞ୍ଚଳରେ ଅଜଣା ଜନ୍ତୁ ଆତଙ୍କ: ବନ ବିଭାଗ ଟ୍ରାପ୍ କ୍ୟାମେରା ଖଞ୍ଜିଲା
ଭଞ୍ଜନଗର: ସହରତଳି କେଏସୟୁବି କଲେଜ ନିକଟ ଲଣ୍ଡେଇ ସାହି ରାମକୃଷ୍ଣ ନଗରରେ ଅଜଣା ଜନ୍ତୁ ଆତଙ୍କ ଦେଖା ଦେଇଛି। ଅଞ୍ଚଳରେ ଲାଗିଥିବା ସିସିଟିଭି କ୍ୟାମେରାର ଫୁଟେଜରୁ ବାଘ ଭଳି ଦିଶୁଥିବା ଏକ ଜନ୍ତୁ ଘୁରି ବୁଲୁଥିବା, ଏପରିକି ଅଞ୍ଚଳର ବାଲି ମାଟିରେ ଉକ୍ତ ଜନ୍ତୁର ପାଦ ଚିହ୍ନ ଠାବ କରାଯିବା ପରେ ଲୋକେ ଏହା ଏକ କଲରାପତରିଆ ବାଘ ବୋଲି ଆଶଙ୍କା କରି ଭୟଭୀତ ହୋଇ ଉଠିଛନ୍ତି। ସେପଟେ ଏହି ଜନ୍ତୁଟି ବାସ୍ତବରେ କ’ଣ ତାହା ଜାଣିବା [...]
ଭଞ୍ଜନଗର: ସହରତଳି କେଏସୟୁବି କଲେଜ ନିକଟ ଲଣ୍ଡେଇ ସାହି ରାମକୃଷ୍ଣ ନଗରରେ ଅଜଣା ଜନ୍ତୁ ଆତଙ୍କ ଦେଖା ଦେଇଛି। ଅଞ୍ଚଳରେ ଲାଗିଥିବା ସିସିଟିଭି କ୍ୟାମେରାର ଫୁଟେଜରୁ ବାଘ ଭଳି ଦିଶୁଥିବା ଏକ ଜନ୍ତୁ ଘୁରି ବୁଲୁଥିବା, ଏପରିକି ଅଞ୍ଚଳର ବାଲି ମାଟିରେ ଉକ୍ତ ଜନ୍ତୁର ପାଦ ଚିହ୍ନ ଠାବ କରାଯିବା ପରେ ଲୋକେ ଏହା ଏକ କଲରାପତରିଆ ବାଘ ବୋଲି ଆଶଙ୍କା କରି ଭୟଭୀତ ହୋଇ ଉଠିଛନ୍ତି। ସେପଟେ ଏହି ଜନ୍ତୁଟି ବାସ୍ତବରେ କ’ଣ ତାହା ଜାଣିବା ପାଇଁ ବନବିଭାଗ ସେହି ଅଞ୍ଚଳରେ ଟ୍ରାପ୍ କ୍ୟାମେରା ଖଞ୍ଜିଛି।
ଭଞ୍ଜନଗର ସହରତଳି ରାମକୃଷ୍ଣ ନଗରରେ ଏବେ ବାଘ ଭଳି କୈାଣସି ଏକ ଜନ୍ତୁ ବୁଲୁଥିବା ନେଇ ଲୋକମାନେ ଆତଙ୍କିତ ହୋଇ ପଡ଼ିଛନ୍ତି। ପୂର୍ବରୁ ଭଞ୍ଜନଗର ପାଖ ଜଙ୍ଗଲ ଇଲାକା ତଥା ମୁଜାଗଡ, ଗୁଣ୍ଡୁରିବାଡି, ଦଦରାଲୁଣ୍ଡା, ବାଇବାଲି ପଞ୍ଚାୟତରେ ବାଘ ବୁଲିବା ସହ ଗାଈଗୋରୁ ମାରି ଖାଇ ଯାଉଥିବା ନଜିର ରହିଛି। ହେଲେ ଏବେ ଭଞ୍ଜନଗର ସହର ଅତି ନିକଟକୁ ଏହି ବନ୍ୟଜନ୍ତୁ ପଶି ଆସିବା ଘଟଣା ଲୋକଙ୍କ ଆଖିରୁ ନିଦ ହଜାଇ ଦେଇଛି। ଆଜି ଭୋର ପ୍ରାୟ ୩ଟାରେ ବନ୍ୟଜନ୍ତୁଟି ଅଞ୍ଚଳରେ ଘୁରି ବୁଲୁଥିବା ସିସିଟିଭିରେ କଏଦ ହୋଇଛି। ବନବିଭାଗ କର୍ମଚାରୀଙ୍କ ସମେତ ଉତ୍ତର ଘୁମୁସର ବନଖଣ୍ଡ ଡିଏଫଓ ହିମାଂଶୁ ଶେଖର ମହାନ୍ତି ଘଟଣାସ୍ଥଳରେ ଅନୁଧ୍ୟାନ କରିଛନ୍ତି। ଉକ୍ତ ଜନ୍ତୁର ପାଦ ଚିହ୍ନ ସଂଗ୍ରହ ସହ ତାହା ବାଘ ନା ଅନ୍ୟ କେଉଁ ଜନ୍ତୁ ଚିହ୍ନଟ କରିବା ସକାଶେ ଟ୍ରାପ୍ କ୍ୟାମେରା ଲଗାଇବାକୁ ନିର୍ଦ୍ଦେଶ ଦେଇଛନ୍ତି। ତେବେ ଟ୍ରାପ୍ କ୍ୟାମେରାରେ ସଂଗୃହିତ ଫୁଟେଜ୍ ଏବଂ ପାଦ ଚିହ୍ନ ସଂଗ୍ରହ ହେଲା ପରେ ତାହା କେଉଁ ପ୍ରଜାତିର ବନ୍ୟଜନ୍ତୁ ସ୍ପଷ୍ଟ ଜଣାପଡିବ ବୋଲି ଅନୁମାନ କରାଯାଉଛି।
ଶ୍ରୀମନ୍ଦିରରେ ରୁକ୍ମିଣୀ ହରଣ ଓ ମହାପ୍ରଭୁଙ୍କ ବିବାହ ଉତ୍ସବ ସମ୍ପର୍ଣ୍ଣ
Next Articleଆଜି ଗଞ୍ଜାମ ଜିଲ୍ଲାର ୧୫ ବ୍ଲକ୍, ସହରାଞ୍ଚଳରେ ପ୍ରାକୃତିକ ଦୁର୍ବିପାକ ପ୍ରଶମନ ମକଡ୍ରିଲ୍
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]