ନୂଆଦିଲ୍ଲୀ: ପୁଣି ଥରେ ୪୦ ହଜାର ଟପିଲା କରୋନା ସଂକ୍ରମଣ | ଗୁରୁବାର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସଦ୍ୟତମ ତଥ୍ୟ ଅନୁଯାୟୀ ଗତ ୨୪ ଘଣ୍ଟା ମଧ୍ୟରେ ୪୩,୨୬୩ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଦିନକ ପୂର୍ବରୁ ୩୭,୮୭୫ ମାମଲା ଆସିଥିଲା। ଏଥି ସହିତ ଗତ ୨୪ ଘଣ୍ଟା ମଧ୍ୟରେ ୩୩୮ ଲୋକ ପ୍ରାଣ ହରାଇଛନ୍ତି। ୪୦,୫୬୭ ଲୋକ ମଧ୍ୟ କରୋନାରୁ ଆରୋଗ୍ୟ ଲାଭ କରିଛନ୍ତି ଅର୍ଥାତ୍ ୨୩୫୯ ସକ୍ରିୟ ମାମଲା ବୃଦ୍ଧି ପାଇଛି |
୭୦ ପ୍ରତିଶତରୁ ଅଧିକ ମାମଲା କେରଳରେ ହିଁ ପଞ୍ଜିକୃତ ହୋଇଛି । ବୁଧବାର କେରଳରେ ୩୦,୧୯୬ଟି ନୂଆ ମାମଲା ରିପୋର୍ଟ ହୋଇଛି ।
ଭାରତରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ତିନି କୋଟି ୩୧ ଲକ୍ଷ ୩୯ ହଜାରକୁ ବୃଦ୍ଧି ପାଇଛି। ସେଥିମଧ୍ୟରୁ ୪ ଲକ୍ଷ ୪୧ ହଜାର ୭୪୯ ଜଣଙ୍କର ମୃତ୍ୟୁ ହୋଇଛି। ଏପର୍ଯ୍ୟନ୍ତ ୩ କୋଟି ୨୩ ଲକ୍ଷ ୪ ହଜାର ଲୋକ ଆରୋଗ୍ୟ ଲାଭ କରିଛନ୍ତି। ଦେଶରେ କରୋନା ସକ୍ରିୟ ମାମଲା ସଂଖ୍ୟା ଚାରି ଲକ୍ଷରୁ କମ୍ ରହିଛି। ଦେଶରେ ଏବେ ମଧ୍ୟ ୩ ଲକ୍ଷ ୯୩ ହଜାର ୬୧୪ ଲୋକ ଚିକିତ୍ସାଧୀନ ଅଛନ୍ତି।
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ସେପ୍ଟେମ୍ବର ୮ ସୁଦ୍ଧା ସାରା ଦେଶରେ ୭୧ କୋଟି ୬୫ ଲକ୍ଷ ୯୭ ହଜାର ଡୋଜ୍ କରୋନା ଟିକା ଦିଆଯାଇଛି। ଦିନକରେ ଆଉ ୮୬.୯୧ ଲକ୍ଷ ଟିକା ଦିଆଯାଇଥିଲା। ଏଥି ସହିତ ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) ଅନୁଯାୟୀ ଏପର୍ଯ୍ୟନ୍ତ ୫୩.୬୮ କୋଟି କରୋନା ପରୀକ୍ଷା କରାଯାଇଛି। ଗତ ୨୪ ଘଣ୍ଟାରେ ୧୮.୧୭ ଲକ୍ଷ କରୋନା ନମୁନା ପରୀକ୍ଷା କରାଯାଇଥିଲା, ଯାହାର ପଜିଟିଭିଟି ହାର ୩ ପ୍ରତିଶତରୁ କମ୍ ଅଟେ |
Comments are closed.