ନୂଆଦିଲ୍ଲୀ: କଡା ସୁରକ୍ଷା ମଧ୍ୟରେ ବୁଧବାର ଦିଲ୍ଲୀ ମ୍ୟୁନିସିପାଲିଟି କର୍ପୋରେସନ୍ (ଦିଲ୍ଲୀ ଏମସିଡି ନିର୍ବାଚନ) ପାଇଁ ଭୋଟ୍ ଗଣତି ଆରମ୍ଭ ହୋଇଛି। । ଭୋଟ୍ ଗଣତି ପାଇଁ ୪୨ ଟି କେନ୍ଦ୍ର ସ୍ଥାପନ କରାଯାଇଛି। କୌଣସି ପ୍ରକାର ବିଶୃଙ୍ଖଳାକୁ ରୋକିବା ପାଇଁ କଡା ସୁରକ୍ଷା ବ୍ୟବସ୍ଥା କରାଯାଇଛି ବୋଲି ଅଧିକାରୀମାନେ କହିଛନ୍ତି। ପ୍ରତ୍ୟେକ ପରିଦର୍ଶକଙ୍କୁ ସିସିଟିଭି କ୍ୟାମେରା ଦ୍ୱାରା ତଦାରଖ କରାଯିବ। ଡିସେମ୍ବର ୪, ୨୦୨୨ ରେ ଅନୁଷ୍ଠିତ ଏମସିଡିର ୨୫୦ ୱାର୍ଡ ପାଇଁ ହୋଇଥିବା ମତଦାନରେ ୫୦.୪୮ ପ୍ରତିଶତ ମତଦାନ ରେକର୍ଡ କରାଯାଇଥିଲା ।
ବିଭିନ୍ନ ଏକଜିଟ୍ ପୋଲ୍ ଆମ୍ ଆଦମୀ ପାର୍ଟି ଏମସିଡି ନିର୍ବାଚନରେ ପୂର୍ଣ୍ଣ ବହୁମତ ହାସଲ କରିବ ବୋଲି ପୂର୍ବାନୁମାନ କରିଥିଲେ । ତେବେ ଗତ ୧୫ ବର୍ଷ ଧରି ଏମସିଡିକୁ କବଜାରେ ରଖିଥିବା ବିଜେପି ମଧ୍ୟ ବିଜୟ ନେଇ ଆଶାବାଦୀ ଅଛି ।
Comments are closed.