‘ଏହା ଜେମ୍ସ ବଣ୍ଡ ଫିଲ୍ମର ସିକ୍ୱେଲ ନୁହେଁ..’, କେଜ୍ରିୱାଲଙ୍କୁ ହଟାଇବାକୁ ବାରମ୍ବାର ଆବେଦନ ନେଇ ବିରକ୍ତି ପ୍ରକାଶ କଲେ ହାଇକୋର୍ଟ
ନୂଆଦିଲ୍ଲୀ: ଆମ୍ ଆଦମୀ ପାର୍ଟି (ଆପ୍) ର ଜାତୀୟ ଆବାହକ ଅରବିନ୍ଦ କେଜ୍ରିୱାଲଙ୍କୁ ମୁଖ୍ୟମନ୍ତ୍ରୀ ପଦରୁ ହଟାଇବାକୁ ବାରମ୍ବାର ଆବେଦନ ନେଇ ଦିଲ୍ଲୀ ହାଇକୋର୍ଟ ଅସନ୍ତୋଷ ବ୍ୟକ୍ତ କରିଛନ୍ତି। କୋର୍ଟ କହିଛନ୍ତି ଯେ, ଅଦାଲତ ଥରେ ଏପରି ଆବେଦନ ଖାରଜ କରିବା ପରେ ଏବଂ ଏହି ମାମଲା କାର୍ଯ୍ୟପାଳିକା ଅଧୀନରେ ରହିଥିବା ବେଳେ ଏନେଇ ବାରମ୍ବାର ପିଟିସନ ଦାୟର କରିବା ଠିକ୍ ନୁହେଁ । ଏହା ଜେମ୍ସ ବଣ୍ଡ ଫିଲ୍ମ ନୁହେଁ ଯେ ଯାହାର ‘ସିକ୍ୱେଲ’ ଚାଲିଥିବ। [...]
ନୂଆଦିଲ୍ଲୀ: ଆମ୍ ଆଦମୀ ପାର୍ଟି (ଆପ୍) ର ଜାତୀୟ ଆବାହକ ଅରବିନ୍ଦ କେଜ୍ରିୱାଲଙ୍କୁ ମୁଖ୍ୟମନ୍ତ୍ରୀ ପଦରୁ ହଟାଇବାକୁ ବାରମ୍ବାର ଆବେଦନ ନେଇ ଦିଲ୍ଲୀ ହାଇକୋର୍ଟ ଅସନ୍ତୋଷ ବ୍ୟକ୍ତ କରିଛନ୍ତି। କୋର୍ଟ କହିଛନ୍ତି ଯେ, ଅଦାଲତ ଥରେ ଏପରି ଆବେଦନ ଖାରଜ କରିବା ପରେ ଏବଂ ଏହି ମାମଲା କାର୍ଯ୍ୟପାଳିକା ଅଧୀନରେ ରହିଥିବା ବେଳେ ଏନେଇ ବାରମ୍ବାର ପିଟିସନ ଦାୟର କରିବା ଠିକ୍ ନୁହେଁ । ଏହା ଜେମ୍ସ ବଣ୍ଡ ଫିଲ୍ମ ନୁହେଁ ଯେ ଯାହାର ‘ସିକ୍ୱେଲ’ ଚାଲିଥିବ।
ଭାରପ୍ରାପ୍ତ ମୁଖ୍ୟ ବିଚାରପତି ଜଷ୍ଟିସ ମନମୋହନଙ୍କ ଅଧ୍ୟକ୍ଷତାରେ ଏକ ଖଣ୍ଡପୀଠ ଏହି ଆବେଦନ କରିଥିବା ଆପର ପୂର୍ବତନ ବିଧାୟକ ସନ୍ଦୀପ କୁମାରଙ୍କୁ ଭର୍ତ୍ସନା କରିଛନ୍ତି। ସେ କୋର୍ଟଙ୍କୁ ‘ରାଜନୈତିକ ମାମଲା’ରେ ସାମିଲ କରିବାକୁ ଚେଷ୍ଟା କରୁଛନ୍ତି। ଆବେଦନକାରୀଙ୍କୁ ୫୦,୦୦୦ ଟଙ୍କା ଜରିମାନା କରାଯିବ ବୋଲି ଜଷ୍ଟିସ ମନମୋହନ କହିଛନ୍ତି।
କୋର୍ଟ କହିଛନ୍ତି, “ଏହା ଜେମ୍ସ ବଣ୍ଡ ଫିଲ୍ମ ଭଳି ନୁହେଁ ଯେଉଁଠି ଆମେ ଏକ ସିକ୍ୱେଲ କରିବୁ। ଉପରାଜ୍ୟପାଳ ଏହା ଉପରେ ନିଷ୍ପତ୍ତି ନେବେ। ତୁମେ ଆମକୁ ଏକ ରାଜନୈତିକ ଜାଲରେ ଫସାଇବାକୁ ଚେଷ୍ଟା କରୁଛ। ଜାତୀୟ ରାଜଧାନୀରେ ରାଜ୍ୟପାଳ ଶାସନ ଲାଗୁ କରିପାରିବୁ ନାହିଁ ବୋଲି ଅଦାଲତ କହିଥିଲେ।
ଉଲ୍ଲେଖଯୋଗ୍ୟ ଯେ ମାର୍ଚ୍ଚ ୨୮ରେ ଦିଲ୍ଲୀ ହାଇକୋର୍ଟ କେଜ୍ରିୱାଲଙ୍କୁ ମୁଖ୍ୟମନ୍ତ୍ରୀ ପଦରୁ ହଟାଇବାକୁ ଦାବି କରି ଆଗତ ଏକ ଜନସ୍ବାର୍ଥ ମାମଲାକୁ ଖାରଜ କରିଥିଲେ । କୋର୍ଟ କହିଥିଲେ ଯେ ଆବେଦନକାରୀ ଏପରି କୌଣସି ଆଇନଗତ ପ୍ରାବଧାନ ଉଲ୍ଲେଖ କରିବାରେ ବିଫଳ ହୋଇଛନ୍ତି ଯାହା ଅନୁସାରେ ଗିରଫ ମୁଖ୍ୟମନ୍ତ୍ରୀ ଏହି ପଦରେ ରହିପାରିବେ ନାହିଁ। ଅଦାଲତ କହିଥିଲେ ଯେ ଏଭଳି ମାମଲାରେ ନ୍ୟାୟିକ ହସ୍ତକ୍ଷେପ କରିବାର କୌଣସି ଅବକାଶ ନାହିଁ।
Sundargarh: Retired RI Convicted in Bribery Case; to Undergo One Yr Jail
Next Articleଲାଞ୍ଚ ମାମଲାରେ ଅବସରପ୍ରାପ୍ତ ବିଇଓ ଓ ଆରଆଇଙ୍କୁ ଜେଲ୍
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]