କ୍ରମାଗତ ଷଷ୍ଠ ଥର ପାଇଁ ସୁଧହାର ଅପରିବର୍ତ୍ତିତ ରଖିଲା ରିଜର୍ଭ ବ୍ୟାଙ୍କ

ନୂଆଦିଲ୍ଲୀ: ରିଜର୍ଭ ବ୍ୟାଙ୍କ ଏହାର ମୁଦ୍ରା ନୀତିର ସମୀକ୍ଷା କରିଛି। ଏଥର ମଧ୍ୟ ରେପୋ ରେଟ୍ ରେ ଆରବିଆଇ କୌଣସି ପରିବର୍ତ୍ତନ କରିନାହିଁ। ପ୍ରମୁଖ ସୁଧ ହାର ୪ ପ୍ରତିଶତରେ ଅପରିବର୍ତ୍ତିତ ରହିଛି | ରିଭର୍ସ ରେପୋ ରେଟ୍ ମଧ୍ୟ ୩.୩୫ ପ୍ରତିଶତରେ ଅପରିବର୍ତ୍ତିତ ରହିଛି | ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି ଯେ ମାର୍ଜିନାଲ ଷ୍ଟାଣ୍ଡିଂ ଫ୍ୟାସିଲିଟି ରେଟ୍ ଏବଂ ବ୍ୟାଙ୍କ ରେଟ୍ ପୂର୍ବ ଭଳି ୪.୨୫ ପ୍ରତିଶତ ରଖାଯାଇଛି।

କ୍ରମାଗତ ଷଷ୍ଠ ଥର ପାଇଁ ଆରବିଆଇ ପ୍ରମୁଖ ସୁଧ ହାରରେ କୌଣସି ପରିବର୍ତ୍ତନ କରିନାହିଁ। ଶେଷଥର ପାଇଁ ୨୨ ମଇ ୨୦୨୧ରେ ସୁଧହାରରେ ପରିବର୍ତ୍ତନ କରାଯାଇଥିଲା ​​| ଏହା ପରେ କରୋନାଭାଇରସ୍ ଜନିତ ଲକଡାଉନ୍ ଯୋଗୁଁ ଅର୍ଥନୀତି ପ୍ରଭାବିତ ହୋଇଥିବାରୁ ଆରବିଆଇ ପ୍ରଥମେ ସୁଧହାର ପରିବର୍ତ୍ତନ ବନ୍ଦ ରଖିଥିଲା ଏବଂ ଅର୍ଥନୀତିକୁ ଟ୍ରାକକୁ ଆଣିବା ପାଇଁ ଅନେକ ଯୋଜନା ଘୋଷଣା କରିଥିଲା ।