କାବୁଲ: ତାଲିବାନ ସହ ଯୁଦ୍ଧରେ ଆଫଗାନିସ୍ତାନ ସରକାରଙ୍କ ହାତରୁ ଗୋଟିଏ ପରେ ଗୋଟିଏ ରାଜ୍ୟ ଖସିବାରେ ଲାଗିଛି । ଏହାରି ମଧ୍ୟରେ ହେରାତ୍ ପ୍ରଦେଶର ସରକାର ତାଲିବାନ ନିକଟରେ ଆତ୍ମସମର୍ପଣ କରିଛନ୍ତି। ଏପରିକି ତାଲିବାନ ହେରାତ୍ ରାଜ୍ୟପାଳ, ପୋଲିସ ମୁଖ୍ୟ, ଏନଡିଏ କାର୍ଯ୍ୟାଳୟର ମୁଖ୍ୟଙ୍କୁ ବନ୍ଦୀ କରି ନେଇଛି । ଏହାଛଡ଼ା ତାଲିବାନ ବିରୋଧରେ ଯୁଦ୍ଧର ପ୍ରତୀକ ରୂପେ ବିବେଚିତ ହେଉଥିବା ମହମ୍ମଦ ଇସମାଇଲ ଖାନଙ୍କୁ ମଧ୍ୟ ତାଲିବାନ ନିଜ ହେପାଜତକୁ ନେଇଛି ବୋଲି ଟୋଲୋ ନ୍ୟୁଜ୍ ଏହାର ଏକ ରିପୋର୍ଟରେ କହିଛି |
ହେରାତ୍ ବ୍ୟତୀତ ତାଲିବାନ ମଧ୍ୟ ଆଫଗାନିସ୍ତାନର ଦ୍ୱିତୀୟ ବୃହତ୍ତମ ସହର କାନ୍ଦାହାରକୁ କବଜା କରିଛି। କେବଳ ଗତ ସପ୍ତାହରେ ତାଲିବାନ ଦେଶର ୧୩ଟି ପ୍ରଦେଶକୁ ନିଜ ନିୟନ୍ତ୍ରଣକୁ ଆଣିଛ । ଏହି ଆତଙ୍କବାଦୀ ସଂଗଠନ ଗୁରୁବାର ରାତିରେ କାନ୍ଦାହାରକୁ କବଜା କରିଥିଲା ଏବଂ ପରେ ସକାଳେ ଲଶ୍କର ଗାହ ସହରକୁ ମଧ୍ୟ କବଜା କରିଥିଲା। ତାଲିବାନ ଏବେ ରାଜଧାନୀ କାବୁଲ ଉପରେ ଆଖି ପକାଇଛି । ତାଲିବାନ ବିପଦ ମଧ୍ୟରେ ପାଶ୍ଚାତ୍ୟ ଦେଶମାନେ ନିଜର କୂଟନୀତିଜ୍ଞମାନଙ୍କୁ ସେମାନଙ୍କ ଦୂତାବାସରୁ ସ୍ଥାନାନ୍ତର କରିବା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି। ଆମେରିକା ଏହାର ଏହାର କୂଟନୀତିଜ୍ଞଙ୍କୁ ସୁରକ୍ଷା ଯୋଗାଇବା ପାଇଁ ୩୦୦୦ ସୈନିକଙ୍କୁ ପଠାଇଛି ।