୭ ନୂଆ ପ୍ରତିରକ୍ଷା କମ୍ପାନୀର ଶୁଭାରମ୍ଭ କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ଦଶହରା ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶକୁ ୭ଟି ପ୍ରତିରକ୍ଷା କମ୍ପାନୀ ଉତ୍ସର୍ଗ କରିଛନ୍ତି। ଅର୍ଡିନାନ୍ସ ଫ୍ୟାକ୍ଟ୍ରି ବୋର୍ଡ ସ୍ଥାନରେ ଏହି ନୂଆ ୭ ପ୍ରତିରକ୍ଷା କମ୍ପାନୀର ଶୁଭାରମ୍ଭ ହୋଇଛି । ପ୍ରତିରକ୍ଷା ଉପକରଣ, ଅସ୍ତ୍ରଶସ୍ତ୍ର ଏବଂ ଯାନ ଉତ୍ପାଦନ ପାଇଁ ପ୍ରସ୍ତୁତ ୭ଟି ନୂଆ କମ୍ପାନୀର ଶୁଭାରମ୍ଭ ଅବସରରେ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ଅସ୍ତ୍ରଶସ୍ତ୍ର ଏବଂ ପ୍ରତିରକ୍ଷା ଉପକରଣରେ ଆମେ ଦେଶକୁ ଆତ୍ମନିର୍ଭରଶୀଳ କରିବାକୁ ପଡିବ। ସେ କହିଛନ୍ତି ଯେ ଆତ୍ମନିର୍ଭରଶୀଳ ଭାରତ ଅଭିଯାନ ଅଧୀନରେ ଦେଶକୁ ସବୁଠାରୁ ବଡ ସାମରିକ ଶକ୍ତି କରିବା ପାଇଁ ଆମ ସରକାରର ଲକ୍ଷ୍ୟ । ଏହି କମ୍ପାନୀଗୁଡିକ ମାଧ୍ୟମରେ ଦେଶକୁ ଅସ୍ତ୍ରଶସ୍ତ୍ର, ସାମରିକ ଯାନ, ଯନ୍ତ୍ରପାତି ଏବଂ ଉନ୍ନତ ଜ୍ଞାନକୌଶଳ ହାସଲ କରିପାରିବ ।

ସେ କହିଛନ୍ତି ଯେ ଆତ୍ମନିର୍ଭର ଭାରତ ଅଭିଯାନ ଅଧୀନରେ ଏହି କମ୍ପାନୀଗୁଡ଼ିକୁ ସୁଦୃଢ଼ କରିବା ପାଇଁ ଆମେ ୬୫,୦୦୦ କୋଟି ଟଙ୍କା ମୂଲ୍ୟର ଅର୍ଡର ଦେଇସାରିଛୁ। ସେ କହିଛନ୍ତି ଯେ ଉତ୍ପାଦଗୁଡିକର ଉତ୍ତମ ମୂଲ୍ୟ ଏବଂ ଗୁଣବତ୍ତା ଆମରଆମର ଶକ୍ତି ଓ ଛବିକୁ ସୁଦୃଢ଼ କରିବ। ଏହା ସହିତ ସେ ପ୍ରତିରକ୍ଷା କ୍ଷେତ୍ରରେ ଗବେଷଣାର ମହତ୍ତ୍ୱ ବିଷୟରେ କହିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, ଗବେଷଣା ଏବଂ ସୃଜନଶୀଳତା ଦେଶର ପରିଭାଷା ନିର୍ଣ୍ଣୟ କରିଥାଏ। ଏହା ହେଉଛି ଭାରତର ଅଭିବୃଦ୍ଧିର ସବୁଠାରୁ ଗୁରୁତ୍ୱପୂର୍ଣ୍ଣ ଉଦାହରଣ | ସେ କହିଛନ୍ତି ଯେ ଆମକୁ ଉଦ୍ଭାବକମାନଙ୍କୁ ସମ୍ପୂର୍ଣ୍ଣ ସ୍ୱାଧୀନତା ଦେବାକୁ ପଡିବ ଯାହା ଦ୍ଵାରା ସେମାନେ ଦେଶ ପାଇଁ ନୂତନ ଉଦ୍ଭାବନ କରିପାରିବେ।