ବ୍ରିଟେନରେ ଦେଢ଼ ଲକ୍ଷ ଟପିଲା କୋଭିଡ୍ ମୃତ୍ୟୁସଂଖ୍ୟା, ବୁଷ୍ଟର ଡୋଜ ନେବା ଉପରେ ସରକାରଙ୍କ ଗୁରୁତ୍ୱ

ଲଣ୍ଡନ: ବ୍ରିଟେନରେ କୋଭିଡ୍ ର ଓମିକ୍ରନ୍ ଭାରିଆଣ୍ଟର ମାମଲା ଦ୍ରୁତ ଗତିରେ ବୃଦ୍ଧି ପାଉଛି | ଏଥି ସହିତ କୋଭିଡ -୧୯ରେ ଏଠାରେ ବହୁ ସଂଖ୍ୟକ ଲୋକଙ୍କର ମୃତ୍ୟୁ ଘଟିଛି | ୟୁରୋପରେ କରୋନା କାରଣରୁ ବ୍ରିଟେନ ସବୁଠାରୁ ଅଧିକ ପ୍ରଭାବିତ ହୋଇଛି | ବ୍ରିଟେନ ସରକାରଙ୍କୁ ସୂଚନା ଦିଆଯାଇଛି ଯେ ଦେଶରେ କରୋନା ମହାମାରୀ ଆରମ୍ଭ ହେବା ପରେ ଏପର୍ଯ୍ୟନ୍ତ ଏହି ମହାମାରୀରେ ୧୫୦,୦୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଛି। କୁହାଯାଉଛି ଯେ ରୁଷ୍ ହେଉଛି ଏକମାତ୍ର ୟୁରୋପୀୟ ଦେଶ ଯେଉଁଠାରେ ମୃତ୍ୟୁ ସଂଖ୍ୟା ଅଧିକ। କରୋନାର ଏଭଳି ଭୟାବହ ସ୍ଥିତି ମଧ୍ୟରେ ଏକ ବୁଷ୍ଟର ଡୋଜ ନେବା ଉପରେ ଗୁରୁତ୍ୱ ଦିଆଯାଉଛି |

ପ୍ରକାଶ ଥାଉକି, ଗତ ସପ୍ତାହରେ ବ୍ରିଟେନରେ ୨୦୦,୦୦୦ ରୁ ଅଧିକ ମାମଲା ରେକର୍ଡ ହୋଇଥିଲା । ତେବେ ଗତ କିଛି ଦିନ ହେବ ବ୍ରିଟେନରେ ଦୈନିକ ମାମଲାଗୁଡ଼ିକରେ ହ୍ରାସ ଘଟିଛି | ଗତ ୨୪ ଘଣ୍ଟା ମଧ୍ୟରେ ଆଉ ୧୪୬,୩୯୦ ମାମଲା ପଞ୍ଜିକୃତ ହୋଇଛି | ଡାକ୍ତରଖାନାର ଶତାଧିକ କର୍ମଚାରୀ ମଧ୍ୟ କୋଭିଡ ପଜିଟିଭ୍ ହୋଇଛନ୍ତି। କୋଭିଡ ପଜିଟିଭ୍ ସଂଖ୍ୟା ବଢିବା ସହ କ୍ବାରେଣ୍ଟାଇନ କାରଣରୁ ଡାକ୍ତରଖାନାଗୁଡ଼ିକରେ କର୍ମଚାରୀଙ୍କ ଅଭାବ ଦେଖାଦେଇଛି | ଯାହା ପରେ ଡାକ୍ତରଖାନାଗୁଡ଼ିକ ଉପରେ ବୋଝ ବଢିଯାଇଛି। ଏହି ସମୟରେ କର୍ମଚାରୀଙ୍କ ଗୁରୁତର ଅଭାବକୁ ଦୂର କରିବା ପାଇଁ ଲଣ୍ଡନ ଡାକ୍ତରଖାନାରେ ସୈନ୍ୟ ମୁତୟନ କରାଯାଇଛି।