ଖୋର୍ଦ୍ଧା ସହରରେ ହାତୀପଲଙ୍କ ଉପଦ୍ରବ, ଭାଙ୍ଗିଲେ ଇଭିଏମ ଷ୍ଟୋର୍

ଖୋର୍ଦ୍ଧା – ଖୋର୍ଦ୍ଧା ସହରରେ ହାତୀ ଉପଦ୍ରବ । ସହର ଭିତରେ ହାତୀଙ୍କ ଉପଦ୍ରବ ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି କରିଛି । ଗତକାଲି ବିଳମ୍ବିତ ରାତିରେ ସହର ଭିତରେ ହାତୀମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ଥିବା ଇଭିଏମ ଷ୍ଟୋର୍ ପାଚେରୀ ଭାଙ୍ଗିଦେଇଥିଲେ । ହାତୀପଲର ଗତିବିଧି ଉପରେ ନଜର ରଖିଛି ବନ ବିଭାଗ । ୨୦ରୁ ଅଧିକ ହାତୀ ଉତ୍ପାତ କରିବା ପରେ ବରୁଣେଇକୁ ପଳାଇଥିଲେ । ଗତ କିଛି ଦିନ ଧରି ହାତୀପଲ ଖୋର୍ଦ୍ଧା ସହର ଆଖପାଖ ଅଂଚଳକୁ ପଶିଆସି ଉପଦ୍ରବ କରୁଛନ୍ତି । ହାତୀପଲ ଜାତୀୟ ରାଜପଥ ପାର ହେବା ବି ଦେଖାଦେଇଛି ।