ପୁରୀ ମରୀଚିକୋଟ ଛକ ଲକ୍ଷ୍ମୀ କଂପ୍ଳେକ୍ସରେ ଭୟାବହ ଅଗ୍ନିକାଣ୍ଡ

ପୁରୀ – ପୁରୀ ବଡ଼ଦାଣ୍ଡରେ ଅଗ୍ନିକାଣ୍ଡ। ମରୀଚିକୋଟ ଛକ ଲକ୍ଷ୍ମୀ ମାର୍କେଟ କଂପ୍ଲେକ୍ସରେ ଗତ ରାତିରେ ନିଆଁ ଲାଗିଯାଇଛି । କାଲି ରାତି ୮ଟାରୁ ନିଆଁ ଲାଗିଥିଲେ ବି ଏଯାବତ ସମ୍ପୂର୍ଣ୍ଣ ଲିଭି ନାହିଁ । ରାସ୍ତା ଅଣ ଓସାରିଆ ଥିବାରୁ ନିଆଁକୁ ସମ୍ପୂର୍ଣ୍ଣ ଆୟତ୍ତ କରିବାରେ ଅସୁବିଧା ହେଉଥିବା ସୂଚନା ମିଳିଛି । ରାତି ତମାମ ଅଗ୍ନିଶମ ବାହିନୀ ନିଆଁ ଲିଭା କାର୍ଯ୍ୟରେ ଲାଗିଛି । ଲକ୍ଷ୍ମୀ ମାର୍କେଟ କଂପ୍ଲେକ୍ସର ପ୍ରଥମ ମହଲାକୁ ବ୍ୟାପିଛି ନିଆଁ । ପ୍ରଥମ ମହଲାରେ ଥିବା ୨ଟି ଗୋଦାମରେ ନିଆଁ ଲାଗିଯାଇଛି ।

ନିଆଁ ଲିଭା କାର୍ଯ୍ୟରେ ୧୦ରୁ ଅଧିକ ଟିମ୍ ନିୟୋଜିତ ହୋଇଛନ୍ତି।
ଘଟଣା ସ୍ଥଳରେ ଓଡ୍ରାଫ ଟିମ୍ ପହଞ୍ଚିଛି । ଉପଜିଲ୍ଲାପାଳ ଓ ପ୍ରାଶାସନିକ ଅଧିକାରୀମାନେ ଘଟଣାସ୍ଥଳରେ ଉପସ୍ଥିତ ଅଛନ୍ତି।