କିଙ୍ଗ୍ସଟାଉନ: ଟି-୨୦ ବିଶ୍ୱକପ୍ର ଏକ ଗ୍ରୁପ୍ ଡି’ ମ୍ୟାଚ୍ରେ ବାଂଲାଦେଶ ୨୧ ରନ୍ରେ ନେପାଳକୁ ହରାଇ ସୁପର-୮ ପାଇଁ ଯୋଗ୍ୟତା ଅର୍ଜନ କରିଛି।
କିଙ୍ଗ୍ସଟାଉନର ଆର୍ନୋସ୍ ୱେଲ ଗ୍ରାଉଣ୍ଡରେ ନେପାଳ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରିଥିବା ବାଂଲାଦେଶ ୧୯.୩ ଓଭରରେ ୧୦୬ ରନ୍ କରି ଅଲ୍ଆଉଟ୍ ହୋଇଯାଇଥିଲା। ଏହାର ଜବାବରେ ନେପାଳ ୧୯.୨ ଓଭରରେ ସମସ୍ତ ଓ୍ବିକେଟ୍ ହରାଇ ମାତ୍ର ୮୫ ରନ୍ କରିବାକୁ ସକ୍ଷମ ହୋଇଥିଲା।
ବାଂଲାଦେଶ ପାଇଁ ତାନଜିମ ହାସନ ଚମତ୍କାର ବୋଲିଂ କରି ୪ ୱିକେଟ୍ ନେଇଥିଲେ। ବ୍ୟାଟିଂରେ ଅଧିନାୟକ ଶାକିବ ଅଲ ହାସନ ୧୭ ରନ କରିଥିଲେ।
ନେପାଳ ବିପକ୍ଷ ବାଂଲାଦେଶର ବିଜୟ ସହ ନେଦରଲ୍ୟାଣ୍ଡ୍ସ ବର୍ତ୍ତମାନ ସୁପର-୮ ଦୌଡ଼ରୁ ବାଦ୍ ପଡ଼ିଛି । ଚାରିଟି ମ୍ୟାଚ୍ ପରେ ଗ୍ରୁପ୍ ଡିରେ ବାଂଲାଦେଶ ୬ ପଏଣ୍ଟ ପାଇଛି | ନେଦରଲ୍ୟାଣ୍ଡ୍ସ ୩ଟି ମ୍ୟାଚରୁ ୨ ପଏଣ୍ଟ ରହିଛି | ନେଦରଲ୍ୟାଣ୍ଡ୍ସ ଯଦି ଶେଷ ଗ୍ରୁପ୍ ମ୍ୟାଚରେ ଶ୍ରୀଲଙ୍କାକୁ ହରାଏ, ତେବେ ଦଳର ପଏଣ୍ଟ ସଂଖ୍ୟା ମାତ୍ର ୪ ପଏଣ୍ଟରେ ପହଞ୍ଚିବ ।