ନୂଆଦିଲ୍ଲୀ: ଟି-୨୦ ବିଶ୍ୱକପ ବିଜୟୀ ଭାରତୀୟ ଦଳକୁ ବିସିସିଆଇ ୧୨୫ କୋଟି ଟଙ୍କା ପୁରସ୍କାର ଦେବ। ବୋର୍ଡ ସଚିବ ଜୟ ଶାହା ରବିବାର ଏହି ଘୋଷଣା କରିଛନ୍ତି।
ଶାହା ଏକ୍ସରେ ଲେଖିଛନ୍ତି – ମୁଁ ଏହି ଘୋଷଣା କରି ଅତ୍ୟନ୍ତ ଖୁସି ଯେ ଟି-୨୦ ବିଶ୍ୱକପ ବିଜୟୀ ଭାରତୀୟ ଦଳକୁ ୧୨୫ କୋଟି ଟଙ୍କା ପୁରସ୍କାର ରାଶି ପ୍ରଦାନ କରାଯିବ। ଦଳ ଟୁର୍ଣ୍ଣାମେଣ୍ଟରେ ଜବରଦସ୍ତ ପ୍ରତିଭା, ଉତ୍ସର୍ଗୀକୃତ ଏବଂ ଖେଳ ଭାବନା ପ୍ରଦର୍ଶନ କରିଥିଲା | ଏହି ଅସାଧାରଣ ସଫଳତା ପାଇଁ ମୁଁ ସମସ୍ତ ଖେଳାଳି, କୋଚ୍ ଏବଂ ସପୋର୍ଟ ଷ୍ଟାଫଙ୍କୁ ଅଭିନନ୍ଦନ ଜଣାଉଛି ।”
ବାର୍ବାଡୋସରେ ଶନିବାର ଅନୁଷ୍ଠିତ ରୋମାଞ୍ଚକର ଫାଇନାଲରେ ଦକ୍ଷିଣ ଆଫ୍ରିକାକୁ ୭ ରନରେ ହରାଇ ଭାରତ ଦ୍ବିତୀୟ ଥର ଟି-୨୦ ବିଶ୍ୱକପ୍ ଟାଇଟଲ୍ ଜିତିଥିଲା | ଦଳ ୧୭ ବର୍ଷ ପରେ ଏହି ଫର୍ମାଟରେ ବିଶ୍ଵ ଚାମ୍ପିୟନ ହୋଇଥିଲାଳ। ଏଥିସହ ଭାରତ ୧୧ ବର୍ଷର ଆଇସିସି ଟ୍ରଫି ମରୁଡ଼ିରେ ପୂର୍ଣ୍ଣଛେଦ ପକାଇଥିଲା | ଶେଷଥର ୨୦୧୩ରେ ଭାରତୀୟ ଦଳ ଆଇସିସି ଚାମ୍ପିୟନ୍ସ ଟ୍ରଫି ଜିତିଥିଲା । ଟି-୨୦ ବିଶ୍ୱ ଚାମ୍ପିୟନ ହେବା ପରେ ଭାରତୀୟ ଦଳ ୨୦.୩୬ କୋଟି ପୁରସ୍କାର ରାଶି ମଧ୍ୟ ପାଇଥିଲା।