ଭୁବନେଶ୍ବର: ଆସନ୍ତା ୨୬ ତାରିଖରେ ବିଜେଡି ପାଳିବ ୨୮ ତମ ପ୍ରତିଷ୍ଠା ଦିବସ। ରାଜ୍ୟର ସବୁ ନିର୍ବାଚନ ମଣ୍ଡଳୀରେ ଅନୁଷ୍ଠିତ ହେବ ପ୍ରତିଷ୍ଠା ଦିବସ ଉପଲକ୍ଷେ ବିଭିନ୍ନ କାର୍ଯ୍ୟକ୍ରମ। ଏହି ଅବସରରେ ରାଜ୍ଯ ଆଉ କେନ୍ଦ୍ର ସରକାରକୁ ହେବ ଶାଣିତ ଆକ୍ରମଣ। ଏଥିପାଇଁ ସୁପ୍ରିମୋ ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ଦଳ ତାର ରଣନୀତି ଚୂଡାନ୍ତ କରିଛି।
ଦଳର ବରିଷ୍ଠ ନେତା ତଥା ସମନ୍ବୟ କମିଟି ଅଧ୍ୟକ୍ଷ ଦେବୀପ୍ରସାଦ ମିଶ୍ର ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, ନବୀନ ପଟ୍ଟନାୟକଙ୍କ ନେତୃତ୍ୱରେ ଶକ୍ତିଶାଳୀ ଆଞ୍ଚଳିକ ଦଳ ହୋଇଛି। ପ୍ରତି ବର୍ଷ ଭଳି ଏଥର ବି ଡିସେମ୍ବର ୨୬ ରେ ସବୁ ନିର୍ବାଚନ ମଣ୍ଡଳୀରେ ପ୍ରତିଷ୍ଠା ଦିବସ ପାଳନ ହେବ। ଏହା ୨୮ ତମ ପ୍ରତିଷ୍ଠା ଦିବସ। ବିକାଶର ଅନ୍ୟ ନାଁ ବିଜେଡି। ଏହି ବାର୍ତ୍ତାକୁ ଲୋକଙ୍କୁ ପୁଣି ଜଣାଇବୁ ବିଜେପିର ନିର୍ବାଚନୀ ଇସ୍ତାହାର ଉଲ୍ଲଂଘନରୁ ଆରମ୍ଭ କରି ଦରଦାମ ବୃଦ୍ଧି ଆଦି ଅନେକ ପ୍ରସଙ୍ଗରେ ଲୋକଙ୍କୁ ଅବଗତ କରାଯିବ। ଏହି ଦୁଇ ପ୍ରସଙ୍ଗ ରେ ନୂଆ ବର୍ଷରେ ଜାନୁଆରୀ ୬ ତାରିଖରେ ଭୁବନେଶ୍ୱରରେ ଦଳ ଆନ୍ଦୋଳନକୁ ଓହ୍ଲାଇବ।
ଜନସାଧାରଣ ଯେପରି ଦରଦାମରେ ଅତିଷ୍ଠ ହେଲେଣି ସେଥିପାଇଁ ସଚେତନ କରାଯିବ ବୋଲି ଶ୍ରୀ ମିଶ୍ର କହିଛନ୍ତି।
Comments are closed, but trackbacks and pingbacks are open.