ନୂଆଦିଲ୍ଲୀ: ସଂସଦର ମୌସୁମୀ ଅଧିବେଶନ ଜୁଲାଇ ୧୯ରୁ ଅଗଷ୍ଟ ୧୩ ପର୍ଯ୍ୟନ୍ତ ଅନୁଷ୍ଠିତ ହେବ। ଲୋକସଭା ବାଚସ୍ପତି ଓମ ବିର୍ଲା ଆଜି ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ସଂସଦର ମୌସୁମୀ ଅଧିବେଶନରେ ୧୯ କାର୍ଯ୍ୟଦିବସ ରହିବ।
ଲୋକସଭା ବାଚସ୍ପତି କହିଛନ୍ତି ଯେ କୋଭିଡ ନିୟମ ଅନୁଯାୟୀ ସମସ୍ତ ସଦସ୍ୟ ଏବଂ ଗଣମାଧ୍ୟମକୁ ଅନୁମତି ଦିଆଯିବ। ଆରଟିପିସିଆର୍ ଟେଷ୍ଟ ବାଧ୍ୟତାମୂଳକ ନୁହେଁ | ଯେଉଁମାନେ ଟୀକ ନେଇ ନାହାଁନ୍ତି, ସେମାନଙ୍କୁ ପରୀକ୍ଷା କରିବାକୁ ଆମେ ଅନୁରୋଧ କରିବୁ।
ଏଥର ମୌସୁମୀ ଅଧିବେଶନରେ ବିରୋଧୀ ଅନେକ ପ୍ରସଙ୍ଗରେ ସରକାରଙ୍କୁ ଘେରିବାକୁ ଚେଷ୍ଟା କରିବେ। ଉତ୍ତରପ୍ରଦେଶରେ ସମ୍ପ୍ରତି ବ୍ଲକ ମୁଖ୍ୟ ନିର୍ବାଚନରେ ହିଂସା ହେଉ ଅବା ଟିକାକରଣର ମନ୍ଥର ଗତି କିମ୍ବା ତୃତୀୟ ଲହର ପାଇଁ ପ୍ରସ୍ତୁତି, ବିରୋଧୀ ଏହି ସବୁ ପ୍ରସଙ୍ଗରେ ସରକାରଙ୍କୁ କାଠଗଡ଼ାରେ ଛିଡ଼ା କରାଇବାକୁ ଉଦ୍ୟମ କରିବେ।
କୃଷି ଆଇନ ରଦ୍ଦ ପାଇଁ ଦାବି ପୁଣି ଥରେ ସଂସଦରେ ଉଠାଇପାରେ । ଅନ୍ୟପକ୍ଷରେ, କୌଣସି ବାଧାବିଘ୍ନ ବିନା ମୌସୁମୀ ଅଧିବେଶନ ସର୍ବାଧିକ କାର୍ଯ୍ୟକାରିତା ନିଶ୍ଚିତ କରିବାକୁ ସରକାର ଚେଷ୍ଟା କରିବେ। ଏହା ସହ ସରକାର ଅଧିକରୁ ଅଧିକ ବିଲ୍ ପାସ୍ କରିବାକୁ ଚାହିଁବେ ।