ନୂଆଦିଲ୍ଲୀ: କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ)ର ଦ୍ବାଦଶ ଶ୍ରେଣୀ ପରୀକ୍ଷା ଫଳ ଶୁକ୍ରବାର ପ୍ରକାଶ ପାଇଛି। ଛାତ୍ରଛାତ୍ରୀମାନେ ଅଫିସିଆଲ୍ ୱେବସାଇଟ୍ cbseresults.nic.in ମାଧ୍ୟମରେ ସେମାନଙ୍କର ରେଜଲ୍ଟ ଯାଞ୍ଚ କରିପାରିବେ | ଚଳିତ ବର୍ଷ ୯୯.୩୭ ପ୍ରତିଶତ ଛାତ୍ରଛାତ୍ରୀ ପାସ୍ କରିଛନ୍ତି, ଯାହା କି ସିବିଏସ୍ଇ ଇତିହାସରେ ସର୍ବାଧିକ ପାସ୍ ପ୍ରତିଶତ | ଏହାଛଡା, ୬୧୪୯ (୦.୪୭%) ଛାତ୍ରଛାତ୍ରୀଙ୍କୁ କମ୍ପାର୍ଟମେଣ୍ଟ ବର୍ଗରେ ରଖାଯାଇଛି |
ପୁଅଙ୍କ ତୁଳନାରେ ପୁଣିଥରେ ଝିଅ ଅଧିକ ସଫଳ ହୋଇଛନ୍ତି | ଏହି ବର୍ଷର ପରୀକ୍ଷାଫଳରେ ଝିଅମାନେ ପୁଅମାନଙ୍କଠାରୁ ୦.୫୪% ଆଗରେ ଅଛନ୍ତି | ଝିଅଙ୍କ ପାସ୍ ପ୍ରତିଶତ ୯୯.୬୭ ଥିବାବେଳେ ପୁଅମାନଙ୍କ ପାସ୍ ହାର ହେଉଛି ୯୯.୧୪ ପ୍ରତିଶତ | ଦ୍ୱାଦଶ ଫଳରେ ଲଗାତାର ଷଷ୍ଠ ଥର ପାଇଁ ଝିଅମାନେ ପୁଅମାନଙ୍କୁ କରିଛନ୍ତି | ଅନ୍ୟପକ୍ଷେ ଟ୍ରାନ୍ସଜେଣ୍ଡର ପରୀକ୍ଷାର୍ଥୀଙ୍କ କ୍ଷେତ୍ରରେ ୧୦୦% ପାସ୍ ହାର ରେକର୍ଡ କରାଯାଇଛି ।
ବୋର୍ଡର ମୂଲ୍ୟାୟନ ନୀତି ଅନୁଯାୟୀ, ଚଳିତ ବର୍ଷ ଦ୍ୱାଦଶ ଫଳ ୩୦:୩୦:୪୦ ଫର୍ମୁଲାରେ ପ୍ରସ୍ତୁତ ହୋଇଛି। ଅର୍ଥାତ୍ ଦଶମ ଏବଂ ଏକାଦଶ ଶ୍ରେଣୀରେ ୫ଟି ମଧ୍ୟରୁ ଯେଉଁ ୩ଟି ବିଷୟରେ ଛାତ୍ରଛାତ୍ରୀ ସର୍ବାଧିକ ଅଙ୍କ ପାଇଛନ୍ତି, ସେହି ୩ ବିଷୟ ଫଳ ପ୍ରସ୍ତୁତ ପାଇଁ ଚୟନ କରାଯିବ | ଏଥି ସହିତ ଦ୍ୱାଦଶ ଶ୍ରେଣୀର ୟୁନିଟ୍, ଟର୍ମ ଏବଂ ପ୍ରାକ୍ଟିକାଲ୍ ପରୀକ୍ଷା ମାର୍କ ବିଚାରକୁ ନିଆଯାଇଛି |