ଲସ୍ ଆଞ୍ଜେଲେସ୍: ଓସ୍କାର ପୁରସ୍କାର ୨୦୨୨ ଉତ୍ସବରେ ଆଜି ଏପରି କିଛି ଘଟିଛି ଯାହା ପୂର୍ବରୁ ଏହି ପୁରସ୍କାର ଇତିହାସରେ ବୋଧେ କେବେ ଦେଖିବାକୁ ମିଳିନଥିଲା | ଓସ୍କାର ପୁରସ୍କାର ସମୟରେ ଅଭିନେତା ୱିଲ ସ୍ମିଥ୍ ଉପସ୍ଥାପକ କ୍ରିସ ରକଙ୍କୁ ଚାପୁଡ଼ା ମାରିଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ପ୍ରଶଂସକଙ୍କ ଠାରୁ ଆରମ୍ଭ କରି ଦର୍ଶକ ସମସ୍ତେ ଏହି ଦୃଶ୍ୟ ଦେଖି ଆଶ୍ଚର୍ଯ୍ୟଚକିତ ହୋଇଛନ୍ତି | କେହି ବିଶ୍ୱାସ କରିପାରୁ ନାହାଁନ୍ତି ଯେ ସର୍ବଦା ଥଣ୍ଡା ମିଜାଜର ୱିଲ୍ ସ୍ମିଥ୍ ଏହିପରି କିଛି କରିଛନ୍ତି ବୋଲି |
ଘଟଣା ହେଲା ସ୍ମିଥଙ୍କ ପତ୍ନୀଙ୍କୁ ନେଇ କ୍ରିସ୍ ଥଟ୍ଟା କରିଥିଲେ, ଯାହାକୁ ଏହି ଅଭିନେତା ପସନ୍ଦ କରୁନଥିଲେ | ଏହି କାରଣରୁ ସେ ନିଜ ଆସନରୁ ଉଠି ମଞ୍ଚକୁ ଯାଇ ସେଠାରେ ଠିଆ ହୋଇଥିବା ୱିଲଙ୍କୁ ଏକ ଶକ୍ତ ଚାପୁଡ଼ା ମାରିଥିଲେ ଏବଂ ତା’ପରେ ସେଠାରୁ ଚାଲିଯାଇଥିଲେ | ସ୍ମିଥଙ୍କ ଏପରି ପ୍ରତିକ୍ରିୟାରେ କ୍ରିସ୍ ପ୍ରଥମେ ଆଶ୍ଚର୍ଯ୍ୟ ହୋଇଯାଇଥିଲେ | ଏହା ପରେ ସେ ସ୍ମିଥଙ୍କ ସହିତ କିଛି କଥାବାର୍ତ୍ତା କରିଥିଲେ ଏବଂ ତା’ପରେ ସ୍ମିଥ୍ ତାଙ୍କ ସିଟକୁ ଯାଇ କ୍ରିସଙ୍କୁ ପାଟି କରି କହିଥିଲେ, ମୋ ପତ୍ନୀଙ୍କ ନାମ ତୁମ ପାଟିରୁ ନିଅ ନାହିଁ |
ପ୍ରଥମେ ପ୍ରଶଂସକମାନେ ଭାବିଥିଲେ ଯେ ଏହି ଘଟଣା ପୂର୍ବ ନିର୍ଦ୍ଧାରିତ ଓ୍ବିଲ୍ ସ୍ମିଥ୍ ଅର୍ଥାତ୍ ଶୋ’ର ସ୍କ୍ରିପ୍ଟର ଏକ ଅଂଶ ଥିଲା| କିନ୍ତୁ ପରେ କିଛି ଭିଡିଓ ଆସିଲା ଯେଉଁଥିରେ ୱିଲ୍ ମଧ୍ୟ କାନ୍ଦୁଥିବା ଦେଖାଯାଇଥିଲା, ଯାହା ପରେ ପ୍ରଶଂସକମାନେ ନିଶ୍ଚିତ ହୋଇଥିଲେ ଯେ ଏହି ସବୁ ପ୍ରକୃତରେ ଘଟିଛି | କେବଳ ଏତିକି ନୁହେଁ, ତାଙ୍କ ଭାଷଣରେ ଶୋ’ର ଆୟୋଜକଙ୍କୁ ମଧ୍ୟ ସେ କ୍ଷମା ମାଗିଥିଲେ ।
ସ୍ମିଥ୍ ‘କିଙ୍ଗ୍ ରିଚାର୍ଡ’ ଫିଲ୍ମ ପାଇଁ ଶ୍ରେଷ୍ଠ ଅଭିନେତା ଭାବେ ଓସ୍କାର ପୁରସ୍କାର ପାଇଛନ୍ତି । ଏହି ପୁରସ୍କାର ଗ୍ରହଣ କଲାବେଳେ ସେ ଭାବପ୍ରବଣ ହୋଇଯାଇଥିଲେ ଏବଂ ଉପସ୍ଥାପକ କ୍ରିସ୍ ଙ୍କୁ ଚାପୁଡ଼ା ମାରିବା ନେଇ ଦୁଃଖ ପ୍ରକାଶ କରି ସମସ୍ତଙ୍କୁ କ୍ଷମା ମାଗିଥିଲେ ।