ରାୟପୁର: ଛତିଶଗଡ଼ ରାଜନୀତିର କେନ୍ଦ୍ରରେ ଥିବା ମହାଦେବ ବେଟିଂ ଆପକୁ କେନ୍ଦ୍ର ସରକାର ବ୍ୟାନ୍ କରିଛନ୍ତି। ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)ର ଅନୁରୋଧ କ୍ରମେ ସରକାର ଏହି ନିଷ୍ପତ୍ତି ନେଇଛନ୍ତି । ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ମହାଦେବ ବୁକ୍ ଏବଂ ରେଡ୍ଡି ଆନ୍ନାପ୍ରିଷ୍ଟ୍ରୋପ୍ରୋ ସହ ୨୨ଟି ବେଆଇନ ବେଟିଂ ଆପ୍ ଏବଂ ୱେବସାଇଟ୍ ବିରୋଧରେ ବ୍ଲକ୍ ଅର୍ଡର ଜାରି କରିଛି। ବେଆଇନ ବେଟିଂ ଆପ୍ ସିଣ୍ଡିକେଟ୍ ବିରୋଧରେ ଇଡି ଦ୍ୱାରା କରାଯାଇଥିବା ତଦନ୍ତ ଏବଂ ପରବର୍ତ୍ତୀ ସମୟରେ ଛତିଶଗଡର ମହାଦେବ ବୁକ୍ ଉପରେ ଚଢ଼ାଉ ପରେ ଏହି ପଦକ୍ଷେପ ନିଆଯାଇଛି।
ମହାଦେବ ବେଟିଂ ଆପ୍ ସହ ଜଡ଼ିତ ମନି ଲଣ୍ଡରିଂ ମାମଲାରେ ଇଡି ନିକଟରେ ଛତିଶଗଡ ପୋଲିସର କନେଷ୍ଟବଳ ଭାବରେ କାର୍ଯ୍ୟ କରୁଥିବା ଅଭିଯୁକ୍ତ ଭୀମ ସିଂ ଯାଦବ ଏବଂ ଅସୀମ ଦାସଙ୍କୁ ଗିରଫ କରିଥିଲା।
ଦକ୍ଷତା ବିକାଶ ଏବଂ ଉଦ୍ୟୋଗ, ଏବଂ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା କେନ୍ଦ୍ର ମନ୍ତ୍ରୀ କହିଛନ୍ତି, “ଆଇଟି ଆକ୍ଟର ଧାରା ୬୯-ଏ ଅନୁଯାୟୀ ୱେବସାଇଟ୍ / ଆପ୍ ବନ୍ଦ କରିବାକୁ ସୁପାରିଶ କରିବାକୁ ସମ୍ପୂର୍ଣ୍ଣ କ୍ଷମତା ଥିଲେ ମଧ୍ୟ ଛତିଶଗଡ ସରକାରଙ୍କର ତାହା କରିନଥିଲେ ।
ସୂଚନାଯୋଗ୍ୟ, ଇଡି ମହାଦେବ ବେଟିଂ ଆପ୍ ସହ ଲିଙ୍କ୍ ମାମଲାରେ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବାଘେଲଙ୍କ ବିରୋଧରେ ତଦନ୍ତ କରୁଛନ୍ତି । ନିକଟରେ ଇଡି ଦାବି କରିଥିଲା ଯେ ବାଘେଲଙ୍କୁ ଏହି ବେଟିଂ ଆପର ପ୍ରମୋଟର୍ ୫୦୮ କୋଟି ଟଙ୍କା ଦେଇଛନ୍ତି। ବାଘେଲ ଇଡିର ଏହି ଦାବିକୁ ଖଣ୍ଡନ କରିଥିଲେ ।