ନୂଆଦିଲ୍ଲୀ: ହିମାଚଳ ପ୍ରଦେଶର ୬୮ ଟି ବିଧାନସଭା ଆସନ ପାଇଁ ଭୋଟ ଗଣତି ଚାଲିଛି। ବିଜେପିକୁ ପଛରେ ପକାଇ କଂଗ୍ରେସ ବହୁମତ ସହ ସରକାର ଗଢ଼ିବା ଦିଗରେ ଆଗେଇଛି । ସଦ୍ୟତମ ଟ୍ରେଣ୍ଡ ମୁତାବକ କଂଗ୍ରେସ ୩୬ଟି ଆସନରେ ଆଗୁଆ ଥିବାବେଳେ ୩ଟି ସିଟ୍ ଜିତିଛି |
ଅନ୍ୟପକ୍ଷରେ ବିଜେପି ହାତରୁ ଚୌକି ଖସିବାରେ ଲାଗିଛି । ବିଜେପି ୧୯ ଆସନରେ ଆଗୁଆ ଥିବାବେଳେ ୭ଟି ଜିତିସାରିଛି। ସ୍ୱାଧୀନ ଏବଂ ଅନ୍ୟ ପ୍ରାର୍ଥୀମାନେ ୩ଟି ଆସନରେ ଆଗୁଆ ଅଛନ୍ତି | ହିମାଚଳ ପ୍ରଦେଶରେ ଆମ୍ ଆଦମୀ ପାର୍ଟି ଏପର୍ଯ୍ୟନ୍ତ ଖାତା ଖୋଲିପାରି ନାହିଁ ।