ନୂଆଦିଲ୍ଲୀ: ଭାରତର ଅଧ୍ୟକ୍ଷତାରେ ଆରମ୍ଭ ହୋଇଥିବା ଜି-୨୦ ଶିଖର ସମ୍ମିଳନୀରେ ‘ନୂଆଦିଲ୍ଲୀ ଲିଡର୍ସ ଘୋଷଣାପତ୍ର’ ଉପରେ ସହମତି ପ୍ରକାଶ ପାଇଛି । ଅର୍ଥାତ ଏହି ଘୋଷଣାପତ୍ରକୁ ଜି-୨୦ ସଦସ୍ୟଙ୍କ ମଞ୍ଜୁରି ମିଳିଛି । ସମ୍ମିଳନୀର ଦ୍ବିତୀୟ ଅଧିବେଶନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ସୂଚନା ଦେଇଛନ୍ତି।
ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଆମ ଦଳର କଠିନ ପରିଶ୍ରମ ଏବଂ ଆପଣଙ୍କ ସହଯୋଗରେ ନୂଆଦିଲ୍ଲୀ ଜି -୨୦ ଲିଡର୍ସ ଘୋଷଣାପତ୍ର ଉପରେ ସହମତି ପ୍ରକାଶ ପାଇଛି।
ସେ କହିଛନ୍ତି ଯେ ଏହି ଅବସରରେ ମୁଁ ଆମର ମନ୍ତ୍ରୀ, ଶେର୍ପା ଏବଂ ସମସ୍ତ ଅଧିକାରୀଙ୍କୁ ଅଶେଷ ଅଭିନନ୍ଦନ ଜଣାଉଛି, ଯେଉଁମାନେ କଠିନ ପରିଶ୍ରମ କରି ଏହାକୁ ସମ୍ଭବ କରିଛନ୍ତି।
ନୂଆଦିଲ୍ଲୀ ଘୋଷଣାପତ୍ରକୁ ମଞ୍ଜୁରି ମିଳିବା ଅଧ୍ୟକ୍ଷ ଭାବେ ଭାରତର ଏକ ବଡ଼ ବିଜୟ ବୋଲି କୁହାଯାଉଛି ।
‘ନୂଆଦିଲ୍ଲୀ ଲିଡର୍ସ ଘୋଷଣାପତ୍ର’ରେ କ’ଣ ସବୁ ବିଷୟ ଉପରେ ଧ୍ୟାନ ଦିଆଯାଇଛି ତାହାକୁ ଜି-୨୦ର ଭାରତୀୟ ଶେର୍ପା ଅମିତାଭ କାନ୍ତ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ସେୟାର କରିଛନ୍ତି ।
‘ନୂଆଦିଲ୍ଲୀ ଲିଡର୍ସ ଘୋଷଣାପତ୍ର’ରେ ନିମ୍ନଲିଖିତ ବିଷୟ ଉପରେ ଧ୍ୟାନ ଦିଆଯାଇଛି –
– ସୁଦୃଢ଼, ଦୀର୍ଘକାଳୀନ, ସନ୍ତୁଳିତ ଏବଂ ସମାବେଶୀ ଅଭିବୃଦ୍ଧି |
– ସ୍ଥାୟୀ ବିକାଶ ଲକ୍ଷ୍ୟ ଉପରେ ଅଗ୍ରଗତି ତ୍ୱରାନ୍ୱିତ କରିବା |
– ଦୀର୍ଘକାଳୀନ ଭବିଷ୍ୟତ ପାଇଁ ସବୁଜ ଅଭିବୃଦ୍ଧି ଚୁକ୍ତି |
– ଏକବିଂଶ ଶତାବ୍ଦୀ ପାଇଁ ବହୁପକ୍ଷୀୟ ସଂଗଠନ |
– ବହୁପକ୍ଷବାଦକୁ ଉଜ୍ଜୀବିତ କରିବା |