୯୫୦ କୋଟି ଟଙ୍କାରେ ଏମକେସିଜି ସମ୍ପ୍ରସାରଣ: ଉପକୃତ ହେବେ ରୋଗୀ, ଡାକ୍ତରୀ ଛାତ୍ର ଛାତ୍ରୀ
ବ୍ରହ୍ମପୁର: ମହାରାଜା କୃଷ୍ଣଚନ୍ଦ୍ର ଗଜପତି ଭେଷଜ ମହାବିଦ୍ୟାଳୟ ଓ ଚିକିତ୍ସାଳୟ (ଏମକେସିଜି ମେଡିକାଲ କଲେଜ ହସପିଟାଲ୍)ରେ ଉପଲବ୍ଧ ହେବ ନୂଆ ଭିତ୍ତିଭୂମି। ସମ୍ପ୍ରସାରଣ କୋଠା ପାଇଁ ପ୍ରାୟ ୯୫୦ କୋଟି ଟଙ୍କାର ବ୍ୟୟ ମଞ୍ଜୁରୀ ହୋଇଛି। ଏହାଦ୍ୱାରା ରୋଗୀ, ଡାକ୍ତରୀ ଛାତ୍ରଛାତ୍ରୀମାନେ ଉନ୍ନତ ସୁବିଧା ସୁଯୋଗ ପାଇବେ। ଏହା ମଧ୍ୟରେ ରହିଛି ୪୫୦ ଶଯ୍ୟା ବିଶିଷ୍ଟ ହସପିଟାଲ୍ କୋଠା (ବହିଃ ଚିକିତ୍ସା କମ୍ପ୍ଲେକ୍ସ, ୨୮୦ ଶଯ୍ୟା ବିଶିଷ୍ଟ ଜେନେରାଲ୍ ମେଡିସିନ୍ ଅନ୍ତଃ ଚିକିତ୍ସା ବିଭାଗ, ୧୦୦ ଶଯ୍ୟାର [...]
ବ୍ରହ୍ମପୁର: ମହାରାଜା କୃଷ୍ଣଚନ୍ଦ୍ର ଗଜପତି ଭେଷଜ ମହାବିଦ୍ୟାଳୟ ଓ ଚିକିତ୍ସାଳୟ (ଏମକେସିଜି ମେଡିକାଲ କଲେଜ ହସପିଟାଲ୍)ରେ ଉପଲବ୍ଧ ହେବ ନୂଆ ଭିତ୍ତିଭୂମି। ସମ୍ପ୍ରସାରଣ କୋଠା ପାଇଁ ପ୍ରାୟ ୯୫୦ କୋଟି ଟଙ୍କାର ବ୍ୟୟ ମଞ୍ଜୁରୀ ହୋଇଛି। ଏହାଦ୍ୱାରା ରୋଗୀ, ଡାକ୍ତରୀ ଛାତ୍ରଛାତ୍ରୀମାନେ ଉନ୍ନତ ସୁବିଧା ସୁଯୋଗ ପାଇବେ।
ଏହା ମଧ୍ୟରେ ରହିଛି ୪୫୦ ଶଯ୍ୟା ବିଶିଷ୍ଟ ହସପିଟାଲ୍ କୋଠା (ବହିଃ ଚିକିତ୍ସା କମ୍ପ୍ଲେକ୍ସ, ୨୮୦ ଶଯ୍ୟା ବିଶିଷ୍ଟ ଜେନେରାଲ୍ ମେଡିସିନ୍ ଅନ୍ତଃ ଚିକିତ୍ସା ବିଭାଗ, ୧୦୦ ଶଯ୍ୟାର ଚକ୍ଷୁ ଅନ୍ତଃ ଚିକିତ୍ସା ବିଭାଗ, ୨୦ ଶଯ୍ୟା ବିଶିଷ୍ଟ ବର୍ନ କେୟାର୍ ୟୁନିଟ୍, ୫୦ ଶଯ୍ୟା ବିଶିଷ୍ଟ କ୍ରିଟିକାଲ୍ କେୟାର୍ ୟୁନିଟ୍ ଯଥା ଏମର୍ଜେନ୍ସୀ- ଓଟି- ଆଇସିୟୁ- ଏଚଡିୟୁ ଆଦି ବିଭାଗ, ୫ ଅପରେସନ୍ ଥିଏଟର୍ କମ୍ପ୍ଲେକ୍ସ, ଅଧିକ୍ଷକଙ୍କ କାର୍ଯ୍ୟାଳୟ ସମେତ ପ୍ରଶାସନିକ ୟୁନିଟ୍, ହସପିଟାଲ୍ ସେବା ଯଥା ରୋଷେଇଶାଳା- ଲଣ୍ଡ୍ରୀ- ସିଏସଏସଡି- ମର୍ଚୁଆରୀ ଆଦି) ରହିବ। ଏଥିସହ ଇଲେକ୍ଟ୍ରିକାଲ ସବଷ୍ଟେସନ୍, ବାସ୍କେଟବଲ୍- ଭଲିବଲ୍- ବ୍ୟାଡମିଣ୍ଟନ୍ କୋର୍ଟ ସମେତ ଜିମ୍ନାସିୟମ୍- ଯୋଗ ପ୍ରକୋଷ୍ଠ- ବହୁମୁଖୀ ଉପଯୋଗୀ ପ୍ରକୋଷ୍ଠ ଏବଂ ଖେଳପଡିଆ, ୪୪ କୋଠରୀ ସମ୍ବଳିତ ଅତିଥି ଭବନ, ୩୦୦ ଲେଖାଏଁ ଶଯ୍ୟା ବିଶିଷ୍ଟ ସ୍ନାତକ ଛାତ୍ରାବାସ ଓ ଛାତ୍ରୀନିବାସ, ୧୫୦ ଲେଖାଏଁ ଶଯ୍ୟା ବିଶିଷ୍ଟ ହାଉସ୍ ସର୍ଜନ୍ ଛାତ୍ରାବାସ ଓ ଛାତ୍ରୀନିବାସ ଆଦି ସୁବିଧା ଉପଲବ୍ଧ ହେବ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟର ଅନ୍ୟାନ୍ୟ ମେଡିକାଲ୍ କଲେଜ ହସପିଟାଲ୍ ତଥା ଚିକିତ୍ସାଳୟର ଉଦଘାଟନ ତଥା ସମ୍ପ୍ରସାରଣ ନିମନ୍ତେ ଶିଳାନ୍ୟାସ କରିବା ସହ ବ୍ରହ୍ମପୁର ଏମକେସିଜି ସମ୍ପ୍ରସାରଣ ନିମନ୍ତେ ଭର୍ଚୁଆଲରେ ଶୁଭ ଦେଇଛନ୍ତି। ସ୍ଥାନୀୟ ମେଡିକାଲ୍ ଖେଳ ପଡିଆରେ ଆୟୋଜିତ କାର୍ଯ୍ୟକ୍ରମରେ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ, ବ୍ରହ୍ମପୁର ବିଧାୟକ ତଥା ଜିଲ୍ଲା ଯୋଜନା କମିଟି ଅଧ୍ୟକ୍ଷ ବିକ୍ରମ କୁମାର ପଣ୍ଡା, ମେୟର୍ ସଂଘମିତ୍ରା ଦଳେଇ, ଡେପୁଟି ମେୟର୍ ଇ.ବିବେକ ରେଡ୍ଡୀ, ଗଞ୍ଜାମ ଜିଲ୍ଲାପାଳ ଦିବ୍ୟଜ୍ୟୋତି ପରିଡ଼ା, ରାଜ୍ୟ ଯୋଜନା ବୋର୍ଡ ସଦସ୍ୟ ଡା. ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକ, ରାଜ୍ୟ କାଜୁ ନିଗମ ଅଧ୍ୟକ୍ଷ ସୁବାସ ମହାରଣା, ବହୁ ଜନ ପ୍ରତିନିଧି, ଏମକେସିଜି ମେଡିକାଲ୍ ଅଧିକ୍ଷକ ଓ କଲେଜ ଅଧ୍ୟକ୍ଷ ଉପସ୍ଥିତ ଥିଲେ। ଦକ୍ଷିଣ ଓଡ଼ିଶାବାସୀଙ୍କୁ ଉନ୍ନତ ଚିକିତ୍ସା ସୁବିଧା ଯୋଗାଇଦେବାକୁ ନିଆଯାଇଥିବା ପଦକ୍ଷେପ ହେତୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ୫ଟି ତଥା ଆମ ଓଡ଼ିଶା, ନବୀନ ଓଡ଼ିଶା ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କୁ ବିଶେଷ ଧନ୍ୟବାଦ ଜଣାଇ ହାର୍ଦ୍ଧିକ କୃତଜ୍ଞତା ଜ୍ଞାପନ କରିଥିଲେ।
ଗମ୍ଭୀରଙ୍କ ପରେ ବିଜେପି ସାଂସଦ ଜୟନ୍ତ ସିହ୍ନା ରାଜନୀତିକୁ କହିଲେ ଅଲବିଦା
Next Articleଅନନ୍ତ ଅମ୍ବାନୀ-ରାଧିକାଙ୍କ ପ୍ରାକ୍ ବିବାହ ଉତ୍ସବରେ ରିହାନ୍ନାଙ୍କ ଜଲଓ୍ବା
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]