ନୂଆଦିଲ୍ଲୀ: ପାଞ୍ଚ ରାଜ୍ୟରେ ବିଧାନସଭା ନିର୍ବାଚନ ସରିବା ପରେ ସାଧାରଣ ଲୋକଙ୍କୁ ସରକାର ଏକ ବଡ଼ ଝଟକା ଦେଇଛନ୍ତି । ସରକାର ପ୍ରୋଭିଡେଣ୍ଟ ଫଣ୍ଡ୍ ଉପରେ ସୁଧ ହାର ହ୍ରାସ କରିଛନ୍ତି। ବର୍ତ୍ତମାନ ଇପିଏଫ୍ଓ ଅଧୀନରେ ଉପଲବ୍ଧ ପିଏଫ୍ ର ସୁଧ ହାର ୮.୫୦ ପ୍ରତିଶତରୁ ୮.୧୦ ପ୍ରତିଶତକୁ ହ୍ରାସ କରିବାକୁ ନିଷ୍ପତ୍ତି ନିଆଯାଇଛି |
ଇପିଏଫ୍ଓ ୨୦୨୧-୨୨ ଆର୍ଥିକ ବର୍ଷ ପାଇଁ ସୁଧ ହାରକୁ ୮.୫ ପ୍ରତିଶତରୁ ୮.୧ ପ୍ରତିଶତକୁ ହ୍ରାସ କରିଛି | ଗୁଆହାଟୀରେ ଅନୁଷ୍ଠିତ କେନ୍ଦ୍ରୀୟ ଟ୍ରଷ୍ଟି ବୋର୍ଡ ବୈଠକରେ ୨୦୨୧-୨୨ ଆର୍ଥିକ ବର୍ଷ ପାଇଁ ଇପିଏଫ୍ଓ ର ସୁଧ ହାର ହ୍ରାସ କରିବାକୁ ନିଷ୍ପତ୍ତି ନିଆଯାଇଛି | ଇପିଏଫ୍ଓ ଗ୍ରାହକମାନଙ୍କ ପାଇଁ ଏହା ଏକ ବଡ ଝଟକା କୁହାଯାଇଛି |
୧୯୭୭-୭୮ ପରଠାରୁ ଇପିଏଫ୍ ସୁଧ ହାର ସର୍ବନିମ୍ନ ସ୍ତରକୁ ଖସିଛି | ସୁଧ ହାର ହ୍ରାସ ପରେ ଇପିଏଫ୍ଓ ଗ୍ରାହକ ଏବଂ ସଦସ୍ୟମାନେ ସେମାନଙ୍କର ପିଏଫ୍ ଉପରେ କମ୍ ସୁଧ ପାଇବେ ।