ନୂଆଦିଲ୍ଲୀ: ରେଳବାଇ ନିଯୁକ୍ତି ଦୁର୍ନୀତିର ତଦନ୍ତ କରୁଥିବା ସିବିଆଇ ବୁଧବାର ପୂର୍ବତନ ରେଳମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ଘନିଷ୍ଠ ସହଯୋଗୀ ତଥା ଆରଜେଡି ନେତା ଭୋଲା ଯାଦବଙ୍କୁ ଗିରଫ କରିଛି।
ସୂଚନା ଅନୁଯାୟୀ, ଏହି ମାମଲା ରେଳବାଇରେ ‘ଜମି ବଦଳରେ ଚାକିରି’ ଘୋଟାଲା ସହ ଜଡ଼ିତ ।
ସୂଚନା ଅନୁଯାୟୀ ବିହାରର ପାଟଣା ଏବଂ ଦରଭଙ୍ଗାର ଚାରୋଟି ସ୍ଥାନରେ ଚଢାଉ କରାଯାଉଛି।
ଭୋଲା ଯାଦବ ୨୦୦୪ ରୁ ୨୦୦୯ ପର୍ଯ୍ୟନ୍ତ ତତ୍କାଳୀନ ରେଳମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ଓଏସଡି ଥିଲେ। ସେ ଲାଲୁ ପ୍ରସାଦ ଯାଦବଙ୍କ ପରିବାର ସହିତ ବର୍ଷ ବର୍ଷ ଧରି ଜଡିତ ଥିଲେ।
ଯେତେବେଳେ ରାବଡି ଦେବୀ ବିହାରର ମୁଖ୍ୟମନ୍ତ୍ରୀ ଥିଲେ, ସେ ତାଙ୍କର ବ୍ୟକ୍ତିଗତ ସଚିବ ଥିଲେ | ସେ ଏମଏଲସି ଏବଂ ବିଧାୟକ ମଧ୍ୟ ରହିଥିଲେ ।