ମଣିଷ ଠାରେ ସଫଳତାର ସହ ବ୍ରେନ୍ ଚିପ୍ ରୋପଣ କଲା ମସ୍କଙ୍କ କମ୍ପାନୀ ନ୍ୟୁରାଲିଙ୍କ
ନ୍ୟୁୟର୍କ : ଟେସଲା ଓ ‘ଏକ୍ସ’ର ମାଲିକ ଏଲନ୍ ମସ୍କଙ୍କ କମ୍ପାନୀ ନ୍ୟୁରାଲିଙ୍କ ପ୍ରଥମ ଥର ପାଇଁ ମନୁଷ୍ୟ ମସ୍ତିଷ୍କରେ ଏକ ଓୟାରଲେସ୍ ଚିପ୍ ସଫଳତାର ସହ ରୋପଣ କରିଛି। ମସ୍କ ‘ଏକ୍ସ’ରେ ଏକ ପୋଷ୍ଟରେ ଏହି ସୂଚନା ଦେଇଛନ୍ତି । ସେ କହିଛନ୍ତି ଏହି ପ୍ରୟୋଗର ପ୍ରାଥମିକ ଫଳାଫଳ ଉତ୍ସାହଜନକ ରହିଛି । ଯେଉଁ ରୋଗୀଙ୍କ ମସ୍ତିସ୍କରେ ଏହି ଚିପ୍ ଲଗାଯାଇଛି ସେ ମଧ୍ୟ ସୁସ୍ଥ ହେଉଛନ୍ତି। ଏହି ପ୍ରୟୋଗ ‘ପାରକିନସନ୍ ଡିସିଜ୍’ ଭଳି ସ୍ନାୟୁଗତ [...]
ନ୍ୟୁୟର୍କ : ଟେସଲା ଓ ‘ଏକ୍ସ’ର ମାଲିକ ଏଲନ୍ ମସ୍କଙ୍କ କମ୍ପାନୀ ନ୍ୟୁରାଲିଙ୍କ ପ୍ରଥମ ଥର ପାଇଁ ମନୁଷ୍ୟ ମସ୍ତିଷ୍କରେ ଏକ ଓୟାରଲେସ୍ ଚିପ୍ ସଫଳତାର ସହ ରୋପଣ କରିଛି।
ମସ୍କ ‘ଏକ୍ସ’ରେ ଏକ ପୋଷ୍ଟରେ ଏହି ସୂଚନା ଦେଇଛନ୍ତି । ସେ କହିଛନ୍ତି ଏହି ପ୍ରୟୋଗର ପ୍ରାଥମିକ ଫଳାଫଳ ଉତ୍ସାହଜନକ ରହିଛି । ଯେଉଁ ରୋଗୀଙ୍କ ମସ୍ତିସ୍କରେ ଏହି ଚିପ୍ ଲଗାଯାଇଛି ସେ ମଧ୍ୟ ସୁସ୍ଥ ହେଉଛନ୍ତି। ଏହି ପ୍ରୟୋଗ ‘ପାରକିନସନ୍ ଡିସିଜ୍’ ଭଳି ସ୍ନାୟୁଗତ ରୋଗର ଚିକିତ୍ସା କ୍ଷେତ୍ରରେ ଏକ ମାଇଲଖୁଣ୍ଟ ସାବ୍ୟସ୍ତ ହୋଇପାରେ।
ମସ୍କଙ୍କ କମ୍ପାନୀ ‘ନ୍ୟୁରାଲିଙ୍କ’ କହିଛି, ଆମେ ଚାହୁଁଛୁ ମଣିଷର ମସ୍ତିଷ୍କକୁ କିପରି କମ୍ପ୍ୟୁଟର ସହିତ ସଂଯୋଗ କରାଯିବ, ଯାହା ଦ୍ୱାରା ସେ ଜଟିଳ ସ୍ନାୟୁଗତ ରୋଗର ମୁକାବିଲା କରିବାରେ ସକ୍ଷମ ହେବ ।
ମଣିଷ ଉପରେ ଚିପ୍ ପରୀକ୍ଷାନିରୀକ୍ଷା କରିବାକୁ ମସ୍କଙ୍କ କମ୍ପାନୀକୁ ଗତ ବର୍ଷ ମେ ମାସରେ ଅନୁମତି ମିଳିଥିଲା |କେଶ ଠାରୁ ବି ପତଳା ଏହି ଚିପକୁ ପୂର୍ବରୁ ଏକ ରୋବଟରେ ବ୍ୟବହାର କରାଯାଇଥିଲା । କମ୍ପାନୀ ଏହି ଚିପ୍ ଉପରେ ଗତ ୬ ବର୍ଷ ଧରି କାମ କରିଆସୁଛି। ଏହି ଚିପକୁ ମସ୍ତିଷ୍କର ସେହି ଅଂଶରେ ଲଗାଯାଇଛି ଯାହା ମଣିଷର ‘ଗତିବିଧି’କୁ ନିୟନ୍ତ୍ରଣ କରିଥାଏ |
ମସ୍କଙ୍କ ନ୍ୟୁରାଲିଙ୍କ ବିଶ୍ବର ଏକମାତ୍ର ମସ୍ତିଷ୍କ ଚିପ୍ ଉତ୍ପାଦନକାରୀ କମ୍ପାନୀ ନୁହେଁ । ପୂର୍ବରୁ ମଧ୍ୟ କିଛି କମ୍ପାନୀ ଏଭଳି ପରୀକ୍ଷାନିରୀକ୍ଷା କରିସାରିଛନ୍ତି |
Good News For Nature Lovers: Night Safari Begins In Chandaka-Dampara Wildlife Sanctuary
Next Articleବସ୍ ଚଳାଉଥିବା ବେଳେ ଡ୍ରାଇଭରକୁ ହେଲା ହୃଦଘାତ, ହେଲେ ବଞ୍ଚାଇ ଦେଲେ ଯାତ୍ରୀଙ୍କ ଜୀବନ
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]