ନୂଆଦିଲ୍ଲୀ: କରୋନା ସ୍ଥିତିରେ ଉନ୍ନତିକୁ ଦୃଷ୍ଟିରେ ରଖି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଅନ୍ତର୍ଜାତୀୟ ଯାତ୍ରୀଙ୍କ ପାଇଁ ନୂଆ ଗାଇଡଲାଇନ୍ ଜାରି କରିଛନ୍ତି। ସଦ୍ୟତମ ଗାଇଡ ଲାଇନ୍ ଅନୁଯାୟୀ ଫେବୃଆରୀ ୧୪ରୁ ‘ଆଟ୍ ରିସ୍କ’ ଏବଂ ଅନ୍ୟ ଦେଶଗୁଡିକର କାଟେଗୋରି ହଟାଯିବ | ଏହାଛଡ଼ା ଫେବୃଆରୀ ୧୪ରୁ ଭାରତ ଆସୁଥିବା ଯାତ୍ରୀମାନଙ୍କୁ ଆରଟି-ପିସିଆର୍ ପରୀକ୍ଷା ଦେବାକୁ ପଡ଼ିବ ନାହିଁ | ଏହା ପରିବର୍ତ୍ତେ, ସଂପୂର୍ଣ୍ଣ ଟୀକାକରଣ ରିପୋର୍ଟ ଅପଲୋଡ୍ କରିବାକୁ ପଡିବ |
ନୂତନ ଗାଇଡଲାଇନରେ କୁହାଯାଇଛି ଯେ ବିମାନ ବନ୍ଦରରେ କରୋନା ପରୀକ୍ଷା କରିବାର କୌଣସି ଆବଶ୍ୟକତା ନାହିଁ। ଏଥିସହି ସାତ ଦିନିଆ ଗୃହ ସଙ୍ଗରୋଧ ନିୟମ ମଧ୍ୟ ଉଚ୍ଛେଦ କରାଯିବ। ଯାତ୍ରୀଙ୍କୁ କେବଳ ୧ ଦିନ ପାଇଁ ଆତ୍ମ-ନିରୀକ୍ଷଣରେ ରହିବାକୁ ପଡିବ | ଭାରତକୁ ଆସୁଥିବା ଯାତ୍ରୀଙ୍କ ମଧ୍ୟରୁ ମାତ୍ର ଦୁଇ ପ୍ରତିଶତ ଲୋକଙ୍କ ପାଇଁ ରାଣ୍ଡମ ପରୀକ୍ଷା କରାଯିବ।
ଗାଇଡଲାଇନ ଅନୁଯାୟୀ, ଭାରତ ଯାତ୍ରା କରୁଥିବା ଯାତ୍ରୀମାନଙ୍କୁ ଯାତ୍ରା ପୂର୍ବରୁ ଏୟାର ସୁଭିଧା ପୋର୍ଟାଲ (https://www.newdelhiairport.in/airsuvidha/apho-registry) ରେ ସ୍ବଘୋଷିତ ଫର୍ମରେ ସମ୍ପୂର୍ଣ୍ଣ ଏବଂ ସତ ବିବରଣୀ ପ୍ରଦାନ କରିବାକୁ ପଡିବ | ଗତ ୧୪ ଦିନର ଯାତ୍ରା ସମ୍ପର୍କିତ ବିବରଣୀ ମଧ୍ୟ ଦେବାକୁ ପଡ଼ିବ | ଯାତ୍ରୀମାନଙ୍କୁ ଯାତ୍ରା ଆରମ୍ଭ ହେବାର ୭୨ ଘଣ୍ଟା ମଧ୍ୟରେ ଏକ ନେଗେଟିଭ ଆରଟି-ପିସିଆର୍ ପରୀକ୍ଷା ରିପୋର୍ଟ କିମ୍ବା ସମ୍ପୂର୍ଣ୍ଣ ଟୀକାକରଣ ପ୍ରମାଣପତ୍ର ଅପଲୋଡ୍ କରିବାକୁ ପଡିବ |
ତେବେ ଏହି ବିକଳ୍ପ କେବଳ ଭାରତ ସରକାରଙ୍କ ଦ୍ୱାରା ପାରସ୍ପରିକ ଟିକାକରଣ ଅଭିଯାନ କାର୍ଯ୍ୟକ୍ରମର ଏକ ଅଂଶ ଭାବରେ ସ୍ୱୀକୃତିପ୍ରାପ୍ତ ୭୨ ଟି ଦେଶରୁ ଆସୁଥିବା ଯାତ୍ରୀମାନଙ୍କ ପାଇଁ ଉଦ୍ଦିଷ୍ଟ | ଏହି ଦେଶଗୁଡ଼ିକ ମଧ୍ୟରେ କାନାଡା, ହଂକଂ, ଆମେରିକା, ବ୍ରିଟେନ, ବହାରେନ, କାତାର, ଅଷ୍ଟ୍ରେଲିଆ, ନ୍ୟୁଜିଲ୍ୟାଣ୍ଡ ଏବଂ କିଛି ୟୁରୋପୀୟ ଦେଶ ଅନ୍ତର୍ଭୁକ୍ତ |
ସମ୍ପୃକ୍ତ ବିମାନ ସେବା ଏବଂ ଏଜେନ୍ସି କ’ଣ କରାଯିବ ଏବଂ କ’ଣ ନ କରାଯିବ ସେନେଇ ଟିକେଟ୍ ସହିତ ଯାତ୍ରୀମାନଙ୍କୁ ସୂଚନା ଦେବା ଜରୁରୀ |
କେବଳ ବିଲକ୍ଷଣ ଯାତ୍ରୀମାନଙ୍କୁ ବିମାନରେ ଯିବାକୁ ଅନୁମତି ଦିଆଯିବ | ଉଡ଼ାଣ ସମୟରେ ଫେସ୍ ମାସ୍କ ପିନ୍ଧିବା ଏବଂ ସାମାଜିକ ଦୂରତା ପାଳନ କରିବା ଆବଶ୍ୟକ | ଆଗମନ ସମୟରେ ଥର୍ମାଲ୍ ସ୍କ୍ରିନିଂ ବ୍ୟତୀତ, ମନୋନୀତ ଯାତ୍ରୀମାନଙ୍କୁ (ପ୍ରତି ବିମାନରେ ସୀମୁଦାୟ ଯାତ୍ରୀଙ୍କ ମଧ୍ୟରୁ ଦୁଇ ପ୍ରତିଶତ ପର୍ଯ୍ୟନ୍ତ) ଆରଟି- ପିସିଆର ପରୀକ୍ଷା ଦେବାକୁ କୁହାଯିବ |