ନୂଆଦିଲ୍ଲୀ: ଭାରତରେ କରୋନାର ତୃତୀୟ ଲହର ଶେଷ ହୋଇଆସୁଛି। ଦୁଇମାସ ପରେ ପ୍ରଥମ ଥର ପାଇଁ ଦେଶରେ ୧୦ ହଜାରରୁ କମ୍ କରୋନା ମାମଲା ପଞ୍ଜିକୃତ ହୋଇଛି। ଗତ ୨୪ ଘଣ୍ଟା ମଧ୍ୟରେ କରୋନାର ୮,୦୧୩ ମାମଲା ଆସିଥିବା ବେଳେ ୧୧୯ ସଂକ୍ରମିତ ଲୋକଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଦିନକରେ ୧୬,୭୬୫ ଲୋକ ମଧ୍ୟ କରୋନାରୁ ଆରୋଗ୍ୟ ଲାଭ କରିଛନ୍ତି, ଅର୍ଥାତ୍ ୮୮୭୧ ସକ୍ରିୟ ମାମଲା ହ୍ରାସ ପାଇଛି । ଏହାପୂର୍ବରୁ ଗତ ବର୍ଷ ଡିସେମ୍ବର ୨୯ ରେ ୯୧୯୫ କରୋନା ମାମଲା ଆସିଥିଲା ।
କରୋନା ମହାମାରୀ ଆରମ୍ଭରୁ ଏଯାବତ୍ ମୋଟ ଚାରି କୋଟି ୨୯ ଲକ୍ଷ ୨୪ ହଜାର ୧୩୦ ଲୋକ ସଂକ୍ରମିତ ହୋଇଛନ୍ତି। ଏଥିମଧ୍ୟରୁ ୫ ଲକ୍ଷ ୧୩ ହଜାର ଲୋକଙ୍କ ମୃତ୍ୟୁ ହୋଇଛି। ଏପର୍ଯ୍ୟନ୍ତ ୪ କୋଟି ୨୩ ଲକ୍ଷ ଲୋକ ମଧ୍ୟ ସୁସ୍ଥ ହୋଇଛନ୍ତି। ଦେଶରେ ଏବେ ସମୁଦାୟ ୧ ଲକ୍ଷ ୨ ହଜାର ୬୦୧ ସକ୍ରିୟ ରୋଗୀ ଅଛନ୍ତି ।
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ଫେବୃଆରୀ ୨୭, ୨୦୨୨ ପର୍ଯ୍ୟନ୍ତ ସାରା ଦେଶରେ ୧୭୭ କୋଟି ୫୦ ଲକ୍ଷ ୮୬ ହଜାର ଡୋଜ କରୋନା ଟିକା ଦିଆଯାଇଛି।