କୋଲକାତା: ପ୍ରଫେଟ୍ ମହମ୍ମଦଙ୍କ ଉପରେ ବିବାଦୀୟ ମନ୍ତବ୍ୟ ପାଇଁ କୋଲକାତା ପୋଲିସ ନିଲମ୍ବିତ ବିଜେପି ନେତ୍ରୀ ନୂପୁର ଶର୍ମାଙ୍କୁ ସମନ ଜାରି କରିଛି । କୋଲକାତାର ନରକେଲଡଙ୍ଗା ପୋଲିସ କ୍ରାଇମବ୍ରାଞ୍ଚ, ୧୯୭୩ର ଧାରା ୪୧ଏ ଅନୁଯାୟୀ ନୂପୁରଙ୍କୁ ସମନ ଜାରି କରିଛି। ଜୁନ ୨୦ରେ ପଚରାଉଚରା ପାଇଁ ହାଜର ହେବାକୁ ନୂପୁରଙ୍କୁ କୁହାଯାଇଛି । ଏକ ଅଭିଯୋଗ ଆଧାରରେ ଏହି ନିଲମ୍ବିତ ନେତ୍ରୀଙ୍କୁ ସମନ କରାଯାଇଛି ବୋଲି ସିଟି ପୋଲିସ ସୂତ୍ରରୁ ପ୍ରକାଶ। ଅଭିଯୋଗରେ କୁହାଯାଇଛି ଯେ ନୂପୁରଙ୍କ ବିବାଦୀୟ ମନ୍ତବ୍ୟ ପରେ ପଶ୍ଚିମବଙ୍ଗର ଅନେକ ସ୍ଥାନରେ ହିଂସା ଘଟିଥିଲା।
କୋଲକାତା ପୋଲିସ ପୂର୍ବରୁ ମହାରାଷ୍ଟ୍ର ପୋଲିସ ମଧ୍ୟ ଏହି ମାମଲାରେ ନୂପୁର ଶର୍ମାଙ୍କୁ ନୋଟିସ ଜାରି କରିଥିଲା ଏବଂ ଜୁନ୍ ୨୫ରେ ସକାଳ ୧୧ ଟା ସମୟରେ ପାୟଧୋନି ପୋଲିସ ଷ୍ଟେସନରେ ହାଜର ହେବାକୁ କୁହାଯାଇଛି। ପଶ୍ଚିମବଙ୍ଗର ଅନେକ ଅଞ୍ଚଳରେ ନୂପୁର ଶର୍ମାଙ୍କ ବିବାଦୀୟ ମନ୍ତବ୍ୟକୁ ବିରୋଧ କରି ହିଂସା ଘଟିଥିଲା। ହାୱାଡାର ଅଲବେରିଆ, ଡୋମଜୁର ଏବଂ ପଞ୍ଚଲା ଅଞ୍ଚଳରେ ସ୍ଥିତି ଉତ୍ତେଜନାପୂର୍ଣ୍ଣ ରହିଛି | ମୁର୍ସିଦାବାଦ ଏବଂ ନାଦିଆ ପରି ସଂଖ୍ୟାଲଘୁ ପ୍ରାଧାନ୍ୟ ଅଞ୍ଚଳରେ ମଧ୍ୟ କିଛି ସମାନ ପରିସ୍ଥିତି ଦେଖାଯାଇଉଛି |