ପ୍ୟାରିସ୍: ଫ୍ରାନ୍ସର ରାଷ୍ଟ୍ରପତି ନିର୍ବାଚନ ପାଇଁ ରବିବାର ହୋଇଥିବା ମତଦାନରେ ବର୍ତ୍ତମାନର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ପୁଣି ବିଜୟୀ ହୋଇଛନ୍ତି । ଏହି ନିର୍ବାଚନରେ ମାକ୍ରୋନ ଓ ଦକ୍ଷିଣପନ୍ଥୀ ନେତା ଲେ ପେନଙ୍କ ମଧ୍ୟରେ କଡ଼ା ପ୍ରତିଦ୍ବନ୍ଦିତା ହୋଇଥିଲା। ଆକଳନରୁ ଜଣାପଡିଛି ଯେ ଇମାନୁଏଲ୍ ମାକ୍ରୋନ୍ ଫ୍ରାନ୍ସ ରାଷ୍ଟ୍ରପତି ନିର୍ବାଚନରେ ୫୭.୬% ରୁ ୫୮.୨% ଭୋଟ୍ ସହ ଲେ ପେନଙ୍କୁ ପରାସ୍ତ କରିଛନ୍ତି। ଯଦିଓ ଆନୁଷ୍ଠାନିକ ଭାବେ ଫଳାଫଳ ଘୋଷଣା ହୋଇନାହିଁ, ଏହା ଯେକୌଣସି ସମୟରେ ହୋଇପାରେ।
ପ୍ରକାଶଯୋଗ୍ୟ, ଏପ୍ରିଲ୍ ୨୦ ରେ, ମାକ୍ରୋନ୍ ଏବଂ ଲେ ପେନ୍ ମଧ୍ୟରେ ଏକ ଲାଇଭ୍ ବିତର୍କ ହୋଇଥିଲା, ଯେଉଁଥିରେ ମାକ୍ରନ୍ ଅଗ୍ରଣୀ ରହିଥିଲେ | କିନ୍ତୁ ସମୀକ୍ଷକ କହିଥିଲେ ଯେ ଯଦି ମତଦାନ କମ୍ ହୁଏ, ତେବେ ବିଜୟର ଫାଇଦା ଉଭୟ ପକ୍ଷକୁ ଯାଇପାରେ। ଯଦି ୪୪ ବର୍ଷୀୟ ମାକ୍ରୋନ୍ ପୁନର୍ବାର ରାଷ୍ଟ୍ରପତି ନିର୍ବାଚନରେ ଜିତନ୍ତି, ତେବେ ସେ ୨୦୦୨ ରେ ଜ୍ୟାକ୍ ଶିରାକଙ୍କ ପରେ ଏଭଳି କରିବାରେ ପ୍ରଥମ ରାଜନୈତିକ ବ୍ୟକ୍ତିତ୍ୱ ହେବେ। ୫୩ ବର୍ଷୀୟ ଲେ ପେନ୍ ଜିତିଲେ ଫ୍ରାନ୍ସର ପ୍ରଥମ ମହିଳା ରାଷ୍ଟ୍ରପତି ହେବେ | ନିର୍ବାଚନରେ ମୁଦ୍ରାସ୍ଫୀତି, ରୁଷ-ୟୁକ୍ରେନ ବିବାଦ ଏବଂ ଇସଲାମ ବଡ଼ ପ୍ରସଙ୍ଗ ଭାବରେ ଉଭା ହୋଇଥିଲା ।