କୋଲକାତା: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଚୌକି ରହିବ ନା ଯିବ ? ଆଜି ଭବାନୀପୁରରେ ଦିଦିଙ୍କ ଭାଗ୍ୟ ନିର୍ଦ୍ଧାରଣ ହେବ। ମୁଖ୍ୟମନ୍ତ୍ରୀ ପଦରେ ରହିବାକୁ ହେଲେ ମମତା ବାନାର୍ଜୀଙ୍କ ପାଇଁ ଏହି ଆସନରୁ ଜିତିବା ଅତ୍ୟନ୍ତ ଜରୁରୀ । ଏହା ଏତେ ସହଜ ହେବ ନାହିଁ, କାରଣ ବିଜେପିର ପ୍ରିୟଙ୍କା ଟିବ୍ରେୱାଲ ତାଙ୍କୁ କଡ଼ା ଟକ୍କର ଦେଇଛନ୍ତି। ଆଜି କଡ଼ା ସୁରକ୍ଷା ମଧ୍ୟରେ ଭବାନୀପୁର ଆସନକୁ ଉପ-ନିର୍ବାଚନ ପାଇଁ ଭୋଟ୍ ଗଣତି ଆରମ୍ଭ ହୋଇଛି। ଭବନପୁର ବ୍ୟତୀତ ରାଜ୍ୟର ସମସେରଜଙ୍ଗ ଏବଂ ଜାଙ୍ଗିପୁର ବିଧାନସଭା ଆସନରେ ଅନୁଷ୍ଠିତ ଉପନିର୍ବାଚନର ଫଳାଫଳ ମଧ୍ୟ ଘୋଷଣା କରାଯିବ। ସୂଚନାଯୋଗ୍ୟ, ନନ୍ଦିଗ୍ରାମ ଆସନରୁ ବିଧାନସଭା ନିର୍ବାଚନ ହାରିଯିବା ପରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଭବାନୀପୁର ଆସନରୁ ଉପନିର୍ବାଚନ ଲଢ଼ିଥିଲେ । ଭବାନୀପୁର ବିଧାନସଭା ଆସନରେ ଉପନିର୍ବାଚନ ପାଇଁ ସେପ୍ଟେମ୍ବର ୩୦ରେ ମତଦାନ ହୋଇଥିଲା ।