ନୂଆଦିଲ୍ଲୀ: ରୋମାନିଆର ରାଜଧାନୀ ବୁଖାରେଷ୍ଟରୁ ୟୁକ୍ରେନରେ ଫସି ରହିଥିବା ୨୧୮ ଜଣ ଭାରତୀୟଙ୍କୁ ନେଇ ‘ଅପରେସନ୍ ଗଙ୍ଗା’ ଅଧୀନରେ ନବମ ବିମାନ ମଙ୍ଗଳବାର ବିଳମ୍ବିତ ରାତିରେ ନୂଆଦିଲ୍ଲୀରେ ପହଞ୍ଚିଛି।
ରୁଷର ୟୁକ୍ରେନ ଉପରେ ଆକ୍ରମଣ ପରେ ପୂର୍ବ ୟୁରୋପୀୟ ଦେଶରେ ଫସି ରହିଥିବା ଭାରତୀୟଙ୍କୁ ଫେରାଇ ଆଣିବା ପାଇଁ ଏହି ବିମାନ ଭାରତ ସରକାରଙ୍କ ଅଭିଯାନର ଏକ ଅଂଶ।
ରୁଷ ସହିତ ଯୁଦ୍ଧ ଯୋଗୁଁ ୟୁକ୍ରେନ ଏହାର ଆକାଶ ସୀମା ବନ୍ଦ କରି ଦେଇଛି । ଏଭଳି ସ୍ଥିତିରେ ଭାରତ ନିଜ ନାଗରିକମାନଙ୍କୁ ବିମାନ ଯୋଗେ ୟୁକ୍ରେନର ପଡୋଶୀ ଦେଶ ରୋମାନିଆ, ହଙ୍ଗେରୀ, ପୋଲାଣ୍ଡ ଏବଂ ସ୍ଲୋଭାକିଆକୁ ଆଣିଛି।
ଏହାପୂର୍ବରୁ ବୁଖାରେଷ୍ଟରୁ ଆଉ ଏକ ବିମାନ ୧୮୨ ଜଣ ଭାରତୀୟଙ୍କୁ ନେଇ ମୁମ୍ବାଇରେ ପହଞ୍ଚିଥିଲା।
ସରକାରୀ ଆକଳନ ଅନୁଯାୟୀ, ୟୁକ୍ରେନର ବିଭିନ୍ନ ବିଶ୍ୱବିଦ୍ୟାଳୟରେ ପ୍ରାୟ ୧୮,୦୦୦ ଭାରତୀୟ ଛାତ୍ର ପଢୁଛନ୍ତି।