ନୂଆଦିଲ୍ଲୀ: ଗତ ୨୪ ଘଣ୍ଟା ମଧ୍ୟରେ ଭାରତରେ ଦୈନିକ କରୋନା ମାମଲାରେ ୨୩.୫ ପ୍ରତିଶତ ହ୍ରାସ ଘଟିଛି। ପ୍ରାୟ ପାଞ୍ଚ ମାସ ପରେ ସବୁଠୁ କମ୍ ମାମଲା ରିପୋର୍ଟ ହୋଇଛି । ଦିନକରେ ୨୫,୧୬୬ ନୂଆ କୋଭିଡ ମାମଲା ପଞ୍ଜିକୃତ ହୋଇଥିବା ବେଳେ ୪୩୭ ଜଣଙ୍କର ମୃତ୍ୟୁ ହୋଇଛି। ଏହା ପୂର୍ବରୁ ୧୫ ମାର୍ଚ୍ଚରେ ୨୪,୪୯୨ ମାମଲା ରିପୋର୍ଟ ହୋଇଥିଲ ।
ଦେଶରେ ମୋଟ କରୋନା ମାମଲା ୩୨, ୨୫୦,୬୭୯କୁ ବୃଦ୍ଧି ପାଇଛି | ସକ୍ରିୟ ମାମଲା ସଂଖ୍ୟା ୩୬୯,୮୪୬କୁ ବୃଦ୍ଧି ପାଇଛି | ଏଥି ସହିତ ଗତ ୨୪ ଘଣ୍ଟା ମଧ୍ୟରେ ୩୬, ୮୩୦ ଲୋକ କରୋନାରୁ ଆରୋଗ୍ୟ ଲାଭ କରିଛନ୍ତି। ବର୍ତ୍ତମାନ ପର୍ଯ୍ୟନ୍ତ ସୁସ୍ଥ ହୋଇଥିବା ଲୋକଙ୍କ ସଂଖ୍ୟା ୩୧,୪୪୮,୭୫୪କୁ ବୃଦ୍ଧି ପାଇଛି। କରୋନା କାରଣରୁ ମୋଟ ମୃତ୍ୟୁ ସଂଖ୍ୟା ୪୩୨,୦୭୯କୁ ବୃଦ୍ଧି ପାଇଛି। ବର୍ତ୍ତମାନ ସୁଦ୍ଧା ମୋଟ ୫୫.୪୭ କୋଟି ଟିକା ଦିଆଯାଇଛି। ସାପ୍ତାହିକ ପଜିଟିଭିଟି ହାର ହେଉଛି ୧.୯୮ ପ୍ରତିଶତ, ଯାହା ଗତ ୫୩ ଦିନ ପାଇଁ ୩ ପ୍ରତିଶତରୁ କମ୍ ରହିଛି | ଏଥି ସହିତ, ଦୈନିକ ସଂକ୍ରମଣ ହାର ୧.୬୧% ରହିଛି ଏବଂ ଏହା ଗତ ୨୨ ଦିନ ଧରି ୩ ପ୍ରତିଶତରୁ କମ୍ ରହିଛି |