କଟକ –ମୁଣ୍ଡଳୀ ବ୍ୟାରେଜ ନିକଟରେ ଫସି ରହିଥିବା ହାତୀକୁ ଉଦ୍ଧାର କରିବା ପାଇଁ ଯାଇଥିବା ଏକ ଓଡ୍ରାଫ ବୋଟ୍ ଓଲଟି ପଡିବା ପରେ ଏକ ଘରୋଇ ଟିଭି ଚ୍ୟାନେଲର ରିପୋର୍ଟର ଅରିନ୍ଦମ ଦାସଙ୍କ ମୃତ୍ୟୁ ହୋଇଛି । ବୋଟ୍ ଓଲଟି ପଡିବା ପରେ ଓଡ୍ରାଫ୍ ଟିମ୍ ସହ ଅରିନ୍ଦମ ଓ ତାଙ୍କ କ୍ୟାମେରାମ୍ୟାନ ଭାସି ଯାଇଥିଲେ । କିଛି ସମୟ ପରେ ଅରିନ୍ଦମ, କ୍ୟାମେରାମ୍ୟାନ ଓ ଅନ୍ୟ ତିନି ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଥିଲା । ତେବେ ଅରିନ୍ଦମଙ୍କୁ ଏସସିବିରେ ମୃତ ଘୋଷଣା କରାଯାଇଥିଲା । କ୍ୟାମେରମ୍ୟାନଙ୍କ ଅବସ୍ଥା ଗୁରୁତର ରହିଛି ।