ନୂଆଦିଲ୍ଲୀ: ଗତ ୨୪ ଘଣ୍ଟାରେ ଭାରତରେ ୧୮,୮୭୦ ନୂଆ କୋଭିଡ୍-୧୯ ମାମଲା ପଞ୍ଜିକୃତ ହୋଇଛି। ଏହି ସମୟରେ ୩୭୮ ରୋଗୀଙ୍କ ମୃତ୍ୟୁ ଘଟିଛି। ବୁଧବାର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଜାରି ହୋଇଥିବା ଏହି ସଂଖ୍ୟା ମଙ୍ଗଳବାରର ଜାରି ସଂଖ୍ୟା ଠାରୁ ଅଧିକ। ଏଥି ସହିତ ମୃତ୍ୟୁ ସଂଖ୍ୟା ମଧ୍ୟ ବଢିଛ। ଗତକାଲି ୧୮,୭୯୫ କରୋନା ରୋଗୀ ମିଳିଥିଲେ ଏବଂ ୧୭୯ ରୋଗୀଙ୍କର ମୃତ୍ୟୁ ହୋଇଥିଲା। ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, ଆଉ ୧୮,୮୭୦ ମାମଲା ନୂଆ ମାମଲା ସହ ଦେଶରେ କୋଭିଡ ସଂକ୍ରମଣର ମୋଟ ସଂଖ୍ୟା ୩୩,୭୧୬,୪୫୧କୁ ବୃଦ୍ଧି ପାଇଛି। ବର୍ତ୍ତମାନ ସୁଦ୍ଧା ୩୨,୯୮୬,୧୮୦ ଲୋକ ଆରୋଗ୍ୟ ଲାଭ କରିଛନ୍ତି। ୩୭୮ ଜଣ ରୋଗୀଙ୍କ ମୃତ୍ୟୁ ପରେ ଏହି ମହାମାରୀରେ ମୋଟ ମୃତ୍ୟୁ ସଂଖ୍ୟା ୪,୪୭,୭୫୧ରେ ପହଞ୍ଚିଛି।
ସଦ୍ୟତମ ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ୫୪,୧୩,୩୩୨ ଟୀକାକରଣ କରାଯାଇଛି। ଏଥି ସହିତ ଏପର୍ଯ୍ୟନ୍ତ ଦେଶରେ ମୋଟ ୮୭ କୋଟିରୁ ଉର୍ଦ୍ଧ୍ବ ଟିକା ଦିଆଯାଇଛି।
ଦେଶରେ ମୋଟ ସକ୍ରିୟ ମାମଲା ୧ ପ୍ରତିଶତରୁ କମ୍ ରହିଛି | ଏହା ବର୍ତ୍ତମାନ ୦.୮୪% ରେ ଅଛି, ଯାହା ମାର୍ଚ୍ଚ ୨୦୨୦ ପରେ ସର୍ବନିମ୍ନ ଅଟେ | ଦେଶରେ ବର୍ତ୍ତମାନ ୨,୮୨,୫୨୦ ସକ୍ରିୟ ମାମଲା ଅଛି, ଯାହା ୧୯୪ ଦିନ ମଧ୍ୟରେ ସର୍ବନିମ୍ନ |