ଭୁବନେଶ୍ୱର – ଓଡିଶା ରିଭ୍ୟୁର ପୂର୍ବତନ ସଂପାଦକ ପ୍ରଫେସର ରାଜକିଶୋର ମିଶ୍ରଙ୍କ ଦେହାନ୍ତରେ ଶୋକ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଓଡିଆ ସାହିତ୍ୟ ବିଶେଷ କରି ଅନୁବାଦ ସାହିତ୍ୟ କ୍ଷେତ୍ରରେ ତାଙ୍କ ଅବଦାନ ସ୍ମରଣୀୟ ହୋଇ ରହିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ । ସୂଚନାଯୋଗ୍ୟ ଯେ, ପ୍ରଫେସର ରାଜକିଶୋର ମିଶ୍ରଙ୍କର ୮୧ ବର୍ଷ ବୟସରେ ଭୁବନେଶ୍ୱର ସ୍ଥିତ ବାସଭବନରେ ପରଲୋକ ହୋଇଯାଇଛି । ଓଡିଶା ରିଭ୍ୟୁ , ଉତ୍କଳ ପ୍ରସଙ୍ଗର ସେ ପୂର୍ବତମ ସଂପାଦକ ଥିଲେ । ଏହାଛଡା ଓଡିଶା ସାହିତ୍ୟ ଏକାଡେମୀର ସଚିବ ମଧ୍ୟ ଥିଲେ ସ୍ୱର୍ଗତଃ ରାଜକିଶୋର ।