ବ୍ରହ୍ମପୁର: ଦିଗପହଣ୍ଡି ନିକଟ କବିରାଜ ପୋଖରୀ ପାଖରେ ଆଜି ମଧ୍ୟାହ୍ନରେ ଏକ ଟ୍ରାକ୍ଟର୍ ସହ ଏକ ଅଟୋ ଧକ୍କା ଘଟି ଜଣେ ମହିଳାଙ୍କ ଜୀବନ ଚାଲିଯାଇଛି। ମୃତକ ହେଲେ ଝୁନା ପାତ୍ର। ଦୁର୍ଘଟଣାରେ ଦୁଇ ଜଣ ଆହତ ହୋଇ ଦିଗପହଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଛନ୍ତି। ସୌଭାଗ୍ୟବଶତଃ ବର୍ଷକର ଏକ ଶିଶୁ ଦୁର୍ଘଟଣାରୁ ଅଳ୍ପକେ ରକ୍ଷା ପାଇଯାଇଛି। ଅଟୋଟି ଆସିକା ପଟୁ ପଦ୍ମନାଭପୁର ଅଭିମୁଖେ ଯାଉଥିଲା। ବିପରୀତ ପଟୁ ଟ୍ରାକ୍ଟରଟି ଦ୍ରୁତ ଗତିରେ ଆସୁଥିବା ବେଳେ ମୁହାଁମୁଁହି ଧକ୍କା ଘଟିଥିଲା। ପୋଲିସ ଘଟଣାସ୍ଥଳରେ ତଦନ୍ତ ଆରମ୍ଭ କରିଛି।